பெரியகுளம் அறக்கட்டளை நிறுவனத்திற்கு போலீஸ் அதிகாரி விருது

Police Officer Awards -தேனி மாவட்டம் பெரியகுளத்தில் செயல்பட்டு வரும் "பிறர் நலன் நாடுவோர் அறக்கட்டளை" அமைப்பினர் கொரோனோ முதல் அலையின் போது பெரியகுளம் நகர் மற்றும் கும்பக்கரை சோத்துப்பாறை பகுதியில் வசிக்கும் மக்களுக்கு பல லட்சம் செலவில் நிவாரண பொருட்கள் வழங்கினர். பெரியகுளம் நகரில் சாலையோரம் நகர முடியாமல் கிடக்கும் ஆதரவற்றோருக்கு தினமும் உணவு வழங்கி வருகின்றனர்.பெரியகுளம் அரசு மருத்துவமனையில் மனநல பிரிவில் உள்ள நோயாளிகளுக்கு பிரியாணி வழங்கி வருகின்றனர். மேல்மங்கலம் அரசு மருத்துவமனையில் வாரம் ஒரு நாள் கர்ப்பிணிகளுக்கு முட்டையுடன் கூடிய உணவை ஓராண்டிற்கும் மேலாக வழங்கி வருகின்றனர்.

புயல் வெள்ளத்தின் போது, வறுமையில் உழலும் அடித்தட்டு மக்களின் குடிசைகள் காற்றில் அடித்துச் செல்லப்பட்டபோது அவர்களுக்கு பிளாஸ்டிக் தார்ப்பாய் அமைத்துக் கொடுத்தனர். தவிர இலவச ஆம்புலன்ஸ் சேவை, கல்வி,மருத்துவ உதவிகள் வழங்கி வருகின்றனர்.ஊனமுற்றோருக்கான உபகரணங்கள் வழங்கி உள்ளனர்.இப்படி தொடர்ச்சியாக பல்வேறு சமூகப் பணிகளை உயிர்ப்போடு செய்தி கொண்டிருக்கின்ற "பிறர் நலன் நாடுவோர் அறக்கட்டளை" நிர்வாகிகள் அனைவருக்கும் செட் பவுண்டேசன் அமைப்பினர் விருது வழங்கி கவுரவித்தனர். 'பெரியகுளத்தின் மதிப்பு மிகு சாதனையாளர்' என்ற இந்த விருதினை பெரியகுளம் டி.எஸ்.பி., கீதா வழங்கினார்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2