தேனி மாவட்டத்தில் கொட்டித்தீர்த்த மழையால் வீடு சேதம்: ஆறுகளில் வெள்ளம்

தேனி மாவட்டத்தில் இன்று அதிகாலை 3 மணிக்கு மேல் தொடங்கிய மழை, ஐந்து மணி வரை வெளுத்துக் கட்டியது. இந்த மழையால் ஓடைப்பட்டி, போடி உள்ளிட்ட பகுதிகளில் சில வீடுகளின் சுவர்கள் இடிந்து விழுந்தன. அதிர்ஷ்டவசமாக யாரும் உயிரிழக்கவில்லை. மழையை இழந்த ஒரு தம்பதியர் , அரசு தங்களுக்கு உதவ வேண்டும் என்று கோரிக்கை விடுத்துள்ளனர். மழை சேத விவரங்கள் குறித்து வருவாய்த்துறை கணக்கெடுத்து வருகின்றனர்.

தேனி மாவட்டத்தில் மழையளவு: வீரபாண்டியில் 20.4 மி.மீ., உத்தமபாளையத்தில் 17.6 மி.மீ., அரண்மனைப்புதுாரில் 17.2 மி.மீ., பெரியகுளத்தில் 10 மி.மீ., தேக்கடியில் 24 மி.மீ., கூடலுார் மற்றும் போடியில் 8.6 மி.மீ., மழை பதிவானது.