அரசு பஸ்கள் நேருக்கு நேர் மோதி விபத்து: ஒருவர் பலி; 47 பேர் படுகாயம்

திருச்செந்துாரில் இருந்து குமுளி சென்ற அரசு பஸ்சும், குமுளியில் இருந்து நாகர்கோயில் சென்ற அரசு பஸ்சும் ஆண்டிபட்டி கணவாய் மலைப்பாதையில் நேருக்கு நேர் மோதிக் கொண்டன.

இதில் திருச்செந்துாரில் இருந்து குமுளி வந்த அரசு பஸ் டிரைவர் ரத்தினசாமி, 50 சம்பவ இடத்திலேயே பலியானார். 47 பேர் பலத்த காயமடைந்தனர். ஆண்டிபட்டி தீயணைப்பு படையினர் மீட்பு பணிகளில் ஈடுபட்டனர்.

காயமடைந்தவர்கள் தேனி அரசு மருத்துவக் கல்லுாரி மருத்துவமனையில் சிகிச்சை பெற்று வருகின்றனர். இதுகுறித்து ஆண்டிபட்டி போலீசார் விசாரணை நடத்தி வருகின்றனர்.