தேனியில் களைகட்டும் பசும்புல் சந்தை; குறைந்த விலையால் விவசாயிகள் மகிழ்ச்சி

தேனியில் உள்ள சில விவசாயிகள் தங்களது தோட்டங்களில் சோளத்தட்டை, சீமைப்புல் போன்றவற்றை சாகுபடி செய்து பக்குமான வளர்ச்சி பெற்றதும் அதனை அறுவடை செய்து, அல்லிநகரம் பசும்புல் சந்தைக்கு கொண்டு வருகின்றனர். அங்கு 5 ரூபாய் அளவுள்ள சிறிய கட்டுகளாக கட்டி விற்பனை செய்கின்றனர்.

காலை 6 மணிக்கு செயல்படத் தொடங்கும் இந்த சந்தை மாலை 6 மணி வரைக்கும் செயல்படுகிறது. அல்லிநகரத்தில் பாத்திமா தியேட்டர் அருகே உள்ள பெரியகுளம் சாலையோர சந்திப்பில் இந்த சந்தை பல ஆண்டுகளாக செயல்படுகிறது.

தற்போது மழைப்பொழிவு சுமாராக இருப்பதாலும், விளைச்சல் நன்றாக இருப்பதாலும், ஒரு கட்டு பசும்புல் 5 ரூபாய்க்கு விற்பனை செய்கிறோம். விவசாயிகளுக்கு இது கட்டுபடியான விலை. எனவே விரும்பி வாங்கிச் செல்கின்றனர் என பசும்புல்சந்தை விவசாயிகள் தெரிவித்தனர்.