மழையில்லாததால்முல்லைப்பெரியாறு அணை நீர் மட்டம் 136 அடியாக சரிவு

Mullaperiyar Dam Water Level Today -முல்லைப்பெரியாறு அணையில் ரூல்கர்வ் முறை அமல்படுத்தப்பட்டுள்ளது. இதன்படி நாளை அணையின் நீர் மட்டத்தை 142 அடியாக நிலை நிறுத்தலாம். ஆனால் தென்மேற்கு பருவமழை பெய்யும் போது, ரூல்கர்வினை காரணம் காட்டி தண்ணீர் முழுதையும், கேரளாவிற்கு வீணாக திறந்து விட்டனர்.

தற்போது அதேரூல்கர்வ் முறைப்படி அணை நீர் மட்டத்தை 142 அடி வரை உயர்த்தலாம் என அனுமதிக்கப்பட்டுள்ள நிலையில், மழை குறைந்து நீர் மட்டம் மளமளவென சரிந்து வருகிறது. இன்று நீர் மட்டம் 136.20 அடியாக குறைந்துள்ளது. ரூல்கர்வ் முறைப்படி ஆறு அடி வரை நீர் மட்டத்தை உயர்த்த வாயப்பு இருந்தாலும், தண்ணீர் வரத்து இல்லாததால் உயர்த்த முடியவில்லை.

இதனைத்தான் முல்லைப்பெரியாறு பாசன விவசாயிகள் கேட்கின்றனர். மழை பெய்யும் போது, நீர் மட்டத்தை உயர்த்த அனுமதிக்காமல், மழை இல்லாத காலங்களில் நீர் மட்டத்தை உயர்த்த அனுமதிக்கும் ரூல்கர்வ் முறையினை முல்லைப்பெரியாறு அணையில் இருந்து நீக்க வேண்டும் என வலியுறுத்தி வருகின்றனர். சுப்ரீ்ம் கோர்ட்டில் இதற்காக வழக்கும் தொடர்ந்துள்ளனர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2