நாடார் சங்க ஆட்சிமன்றக்குழு உறுப்பினருக்கு குவியும் பாராட்டு

தேனி மேலப்பேட்டை இந்து நாடார் உறவின்முறை சங்கம் தேனியில் 15 கல்வி நிறுவனங்கள், ஒரு மருத்துவமனை, பால்பண்ணை, அச்சகம் உட்பட 9 இதர நிறுவனங்களையும் நடத்தி வருகிறது. 3 ஆயிரம் கோடி ரூபாய்க்கும் அதிக சொத்துக்களை கொண்ட இந்த சங்கத்திற்கு 3 ஆண்டுகளுக்கு ஒருமுறை தேர்தல் நடைபெறும். இதுவரை சொத்து பாதுகாப்புக்குழு செயலாளராக இருந்த கே.கே.ஜெயராமன் நாடார் முதன் முறையாக ஆட்சிமன்றக்குழு உறுப்பினராக தேர்தலில் வெற்றி பெற்றுள்ளார்.

இவர் தேனி மாவட்ட பாரதீய ஜனதா கட்சியின் வர்த்தகப்பிரிவு மாவட்டத்தலைவராகவும், தேனி மாவட்டத்தின் பல்வேறு நாடார் அமைப்புகளின் தலைமைப் பொருப்புகளிலும் இருந்து வருகிறார். இவருக்கு தேனி நலம் மருத்துவமனை நிர்வாக இயக்குனர் டாக்டர் ராஜ்குமார், தேனி கிட்னி சென்டர் நிர்வாக இயக்குனர் டாக்டர் காமராஜன், வெளிச்சம் அறக்கட்டளை நிறுவனர் சிதம்பரம், பாரதீய ஜனதா கட்சியின் தேனி மாவட்ட முக்கிய பொறுப்பாளரான சிவக்குமரன், தி.மு.க.,வின் முக்கிய வி.ஐ.பி.,யான ஜீவா (இவர்கள் இருவருக்கும் விரைவில் புதிய பொறுப்புகள் அறிவிக்கப்பட உள்ளது), நாடார் பேரவை மாவட்ட தலைவர் சுரேஷ், தேனி சமத்துவ மக்கள் கழக மாவட்ட செயலாளர் கண்ணன், மாவட்ட துணை செயலாளர் அய்யனார், மாணவரணி செயலாளர் நாகேஸ்வரன், மற்றும் லயன்ஸ் சங்க உறுப்பினர்கள், சமூக அமைப்புகள், சங்க அமைப்புகள், ஜாதி அமைப்புகளின் நிர்வாகிகள், அரசியல் கட்சிகளின் நிர்வாகிகள் வாழ்த்துக்களையும், பாராட்டுக்களையும் தெரிவித்து வருகின்றனர். தன்னை வாழ்த்திய அனைவருக்கும் உள்ளார்ந்த நன்றிகளை தெரிவி்த்துக் கொள்வதாக ஆட்சிமன்றக்குழு உறுப்பினர் கே.கே.ஜெயராம் நாடார் தெரிவித்தார்.