போடி: உதயநிதி ஸ்டாலின் பிறந்த நாளில் இரட்டை மாட்டு வண்டி பந்தயம்
போடி- மூணாறு ரோட்டில் நடைபெற்ற இரட்டை மாட்டுவண்டி பந்தயத்தில் மாடுகள் சீறிப்பாய்ந்து ஓடின.
போடியில் உதயநிதி ஸ்டாலின் பிறந்தநாளை கொண்டாடும் வகையில் தி.மு.க.,வினர் இரட்டை மாட்டு வண்டி பந்தயம் நடத்தினர்.
இன்று போடியில் உதயநிதி ஸ்டாலின் 44வது பிறந்தநாளை முன்னிட்டு இரட்டை மாட்டுவண்டி பந்தயம் நடைபெற்றது. போடி - மூணாறு செல்லும் ரோட்டில் நடைபெற்ற இந்த பந்தயத்தினை தி.மு.க., வடக்கு மாவட்ட செயலாளர் தங்க.தமிழ்செல்வன் முன்னாள் எம்.எல்.ஏ.,க்கள் லட்சுமணன், மூக்கையா மற்றும் தி.மு.க.,வின் முக்கிய நிர்வாகிகள் தொடங்கி வைத்தனர். புள்ளிமான், பூஞ்சிட்டு, தேன்சிட்டு, கரிச்சான், சிறுமாடு, பெருமாடு ஆகிய பிரிவுகளில் பந்தயம் நடைபெற்றது. வெற்றி பெற்ற மாட்டு வண்டிகளின் உரிமையாளர்களுக்கு பரிசுகள் வழங்கப்பட்டன.
Next Story
