தேனி மாவட்டத்தில் 6 நகராட்சிகளும் பெண்களுக்கே ஒதுக்கீடு
தேனி மாவட்ட ஆட்சியர் அலுவலகம்.
தேனி மாவட்டத்தில் ஆறு நகராட்சி தலைவர் பதவிகளும் பெண்களுக்கு ஒதுக்கீடு செய்யப்பட்டுள்ளது.
தேனி மாவட்டத்தில் தேனி-அல்லிநகரம், பெரியகுளம், போடி, சின்னமனுார், கம்பம், கூடலுார் ஆகிய ஆறு நகராட்சிகள் உள்ளன. அத்தனை நகராட்சிகளின் தலைவர் பதவிகளும் பெண்கள் பொதுப்பிரிவிற்கு ஒதுக்கீடு செய்யப்பட்டுள்ளது.
இன்னும் அதிகபட்சம் இரண்டு அல்லது மூன்று ஆண்டிற்குள் தேனி- அல்லிநகரம் நகராட்சி மாநகராட்சியாக தரம் உயர்த்தப்பட உள்ளது. அப்போது நகராட்சி தலைவராக இருப்பவரே மேயராக தொடரும் வாய்ப்புகள் கிடைக்கும்.
எனவே தேனிக்கு முதன் முதலாக பெண் மேயர் கிடைக்கும் வாய்ப்புகள் உள்ளது என தேனி மாவட்ட தேர்தல் பிரிவு அதிகாரிகள் தெரிவித்தனர்.
Next Story
