கும்பகோணத்தில் இருசக்கர வாகனம் பழுது நீக்குவோர் நல சங்க கூட்டம்

தஞ்சாவூர் மாவட்டம் கும்பகோணத்தில் இருசக்கர மோட்டார் வாகன பழுது நீக்குவோர் நல சங்கம் சார்பில் செயல்வீரர்கள் கூட்டம் தலைவர் மோகன் தலைமையில் நடைபெற்றது. இந்த செயல்வீரர் கூட்டத்தில் செயலாளர் இளங்கோவன், பொருளாளர் அருள், சிறப்பு அழைப்பாளர்கள் சுகி வாசுதேவன், ஜூம் ஆயில் மேலாளர்கள் சண்முகம், ரமேஷ் உள்ளிட்ட இருசக்கர மோட்டார் வாகன பழுதுநீக்குவோர் சங்க நிர்வாகிகள் பலர் கலந்து கொண்டனர்.

இருசக்கர வாகனத்தில் புதிய தொழில்நுட்பத்தை பயன்படுத்தி வாடிக்கையாளர்களை அச்சுறுத்தக் கூடாது. சாலை பாதுகாப்பு சட்டம் மறு வரைவு செய்ய வேண்டும். கொரோனா காலகட்டத்தில் வாழ்வாதாரம் இன்றி தமிழகம் முழுவதும் இருக்கும் இருசக்கர மோட்டார் வாகன பழுதுபார்ப்போர் குடும்பத்திற்கு தமிழக அரசு நிதி வழங்க வேண்டும் என்பது உள்ளிட்ட பல்வேறு தீர்மானங்கள் நிறைவேற்றப்பட்டன. செயல்வீரர் கூட்டத்தில் கலந்து கொண்ட வாகனம் மோட்டார் பழுதுபார்ப்போர் அனைவருக்கும் நினைவு பரிசு வழங்கப்பட்டது.