கும்பகோணம் திமுக வேட்பாளர் அறிமுகம்

கும்பகோணம் தொகுதி தி.கு.க வேட்பாளராக அன்பழகன் அறிவிக்கப்பட்டுள்ளார். அவரைப்பற்றி...

சாக்கோட்டை க.அன்பழகன்

கணபதி – ஏகாம்பாள் தம்பதிகளின் மகன். பிறந்த ஆண்டு, தேதி : 24.12.1949 .

 ஆரம்பக் கல்வியை சாக்கோட்டை பெரியார் பகுத்தறிவு பாடசாலையிலும், உயர் நிலைக் கல்வியை குடந்தை சிறிய மலர் மேல்நிலைப் பள்ளியிலும் பயின்றார்.

 மாணவப் பருவத்திலேயே திராவிடர் கழகம் மற்றும் திராவிட முன்னேற்றக் கழகம் ஆகியவற்றில் ஈடுபாட்டுடன் செயல்பட்டு வந்தார்.

 11.03.1973 ஆம் ஆண்டு தந்தை பெரியார் தலைமையில் சுயமரியாதை திருமணம் நடைபெற்றது. இவரது மனைவியின் பெயர் இன்னமுது.

 1974 இல் சாக்கோட்டை கிளைக் கழக செயலாளராக கட்சிப் பணியை தொடங்கினார்.

 1986 இல் பொதுக்குழு உறுப்பினர்

 1996 இல் குடந்தை ஒன்றிய கழக செயலாளர்

 1996-2001 மற்றும் 2001-2006 ஆகிய ஆண்டுகளில் கும்பகோணம் ஊராட்சி ஒன்றிய பெருந்தலைவர்

 2006-2011 இல் தஞ்சை மாவட்ட ஊராட்சி குழு உறுப்பினர்

 2006-2011 இல் கும்பகோணம் பரஸ்பர சகாய நிதி லிட்., தலைவராக பொறுப்பு வகித்து வந்தார்.

 கும்பகோணம் பால் கூட்டுறவு சங்கம் மற்றும் மருதாநல்லூர் கிராம கூட்டுறவு சங்கத்தின் தலைவராக பொறுப்பு வகித்துள்ளார்.

 மத்திய கூட்டுறவு வங்கி மற்றும் சந்திரசேகரபுரம் கூட்டுறவு சங்கத்தின் இயக்குநராக பொறுப்பு வகித்துள்ளார்.

 1989 குடந்தை நகர வீடுகட்டும் சங்கத்தின் தலைவராக பொறுப்பேற்று, மாநிலத்திலேயே சிறந்த கூட்டுறவு சங்கமாக தேர்ந்தெடுக்கப்பட்டு, கூட்டுறவு துறை அமைச்சர் K.N.நேரு தலைமையில், 24.01.2001 அன்று மாநகராட்சி மேயர் மு.க.ஸ்டாலின் பாராட்டி கேடயம் வழங்கப்பட்டது.

 ஏழை எளியவர்கள் உட்பட அனைத்து தரப்பு மக்களும் பயன்பெறும் வகையில், குடந்தை நகரில் 2004 இல் அன்பு மருத்துவமனையை துவங்கி தொடர்ந்து நடத்தி வருகிறார்.

 சாக்கோட்டையில் உள்ள தனது பெற்றோர் நினைவிடத்தில் நூலகம், தையல் பயிற்சிப் பள்ளி மற்றும் கணிணி பயிற்சி மையம் தொடங்கி ஏழை எளிய மாணவர்களுக்கு கட்டணமின்றி பயிற்சி அளிக்கப்பட்டு வருகிறது.

 ஒவ்வொரு ஆண்டும் கல்வி கட்டணம் செலுத்த முடியாத ஏழை எளிய மாணவர்களுக்கு கல்வி கட்டணத்தை வழங்கி வருகிறார்.

 2011 மற்றும் 2016 ஆகிய ஆண்டுகளில் நடைபெற்ற சட்டமன்ற தேர்தல்களில், திராவிட முன்னேற்ற கழக வேட்பாளராக, இரண்டு முறை கும்பகோணம் தொகுதியில் போட்டியிட்டு, வெற்றி பெற்றுள்ளார்.