சிவகங்கை மாவட்டத்தில் பட்டா திருத்த சிறப்பு முகாம்: ஆட்சியர் தகவல்

சிவகங்கை மாவட்ட மக்கள் பட்டா தொடர்பான திருத்தங்களை மேற்கொள்ள நடைபெறவுள்ள கணினி திருத்தசிறப்பு முகாமினை பயன்படுத்திக் கொள்ளலாம் எனமாவட்ட ஆட்சித்தலைவர் ப.மதுசூதன் ரெட்டி. தெரிவித்துள்ளார்.

அரசின் சேவைகள், பொதுமக்களின் இருப்பிடங்களுக்கே கொண்டு செல்லும் அரசின் கொள்கையின் ஒரு அங்கமாக ஒவ்வொரு வருவாய் கிராமத்திலும் விவசாயிகள் மற்றும் வீட்டு உரிமையாளர்களின் பட்டாதொடர்பான பிரச்னைகளுக்கு தீர்வு காணும் வகையில், கணினி திருத்த சிறப்பு முகாம் ஒவ்வொரு வாரமும் புதன் மற்றும் வெள்ளிக்கிழமைகளில் நடைபெறவுள்ளது.

அதன் தொடர்ச்சியாக, 01.04.2022 அன்று தேவகோட்டை வட்டத்தில், சடையமங்களம் கிராமத்திலும், திருப்பத்தூர் வட்டத்தில் நேமம் மற்றும் நெற்குப்பை கிராமங்களிலும், சிவகங்கை வட்டத்தில், கூட்டுறவுப்பட்டி மற்றும் படமாத்தூர் கிராமங்களிலும், மானாமதுரை வட்டத்தில் ,அன்னவாசல் கிராமத்திலும், இளையான்குடி வட்டத்தில் விசவனூர் மற்றும் கட்டனூர் கிராமங்களிலும், காளையார்கோவில் வட்டத்தில், புளியங்குளம் குரூப், விளாக்குளம் கிராமத்திலும் நடைபெறவுள்ளது.எனவே, பொதுமக்கள் மேற்படி வருவாய் கிராமங்களில் நடைபெறும் சிறப்பு முகாமில் கலந்து கொண்டு தங்கள் கோரிக்கை குறித்த மனுக்களை அளித்து பயன் அடையலாம்.