தொழில்முனைவு மேம்பாடு மற்றும் நிதி அலுவலர் பணிகளுக்கு விண்ணப்பிக்கலாம்

ஓரிட சேவை மையத்தில் நிரப்பபடவுள்ள தொழில்முனைவு மேம்பாட்டு அலுவலர் மற்றும் தொழில் முனைவு நிதி அலுவலர் ஆகிய இரண்டு ஒப்பந்த பணியிடங்களுக்கு நேர்காணல் நடத்தவுள்ளதால் தகுதியான நபர்களிடமிருந்து விண்ணப்பங்கள் வரவேற்கப்படுகிறது .

சேலம் மாவட்டம் , தமிழ்நாடு ஊரக புத்தாக்கத் திட்டம் , ஓமலூர் , தாரமங்கலம் , மேச்சேரி , பனமரத்துப்பட்டி , வீரபாண்டி , ஆத்துார் மற்றும் சங்ககிரி ஆகிய 7 ஒன்றியங்களில் செயல்படுகிறது . இதில் ஓரிட சேவை மையத்தில் நிரப்பபடவுள்ள தொழில்முனைவு மேம்பாட்டு அலுவலர் ( Enterprise Development Officer ) மற்றும் தொழில் முனைவு நிதி அலுவலர் ( Enterprise Finance Officer ) ஆகிய இரண்டு ஒப்பந்த பணியிடங்களுக்கு மாவட்டஆட்சித் தலைவர் தலைமையில் நேர்காணல் நடத்தவுள்ளதால் தகுதியான நபர்களிடமிருந்து விண்ணப்பங்கள் வரவேற்கப்படுகிறது .

மேற்படி விண்ணப்பங்களை https://www.tnrtp.org என்ற இணையதள முகவரியிலிருந்து பதிவிறக்கம் செய்துகொள்ளலாம் .விண்ணப்பிக்க விரும்புவோர் 15.11.2021 -ஆம் தேதி பிற்பகல் 5.00 மணி வரை விண்ணப்பத்தினை மாவட்ட செயல் அலுவலர் , தமிழ்நாடு ஊரக புத்தாக்கத் திட்டம் , சேலம் மாவட்ட திட்ட மேலாண்மை அலகு , பழைய நாட்டாண்மை கழக கட்டிடம் , மாவட்ட ஊராட்சி அலுவலகம் , சேலம் - 636001 என்ற முகவரிக்கு விண்ணப்பிக்க வேண்டும் .

இந்த இரண்டு பணியிடங்களுக்கும் விண்ணப்பிக்க பின்வரும் தகுதிகள் இருத்தல் வேண்டும் . ஏதேனும் துறையில் முதுகலை பட்டம் மற்றும் கணிணி திறன் பெற்றிருக்க வேண்டும் . ஓரிட சேவை மையத்தின் பணிகளை செவ்வனே திட்ட பகுதிக்கு உட்பட்ட ஒன்றியங்களில் ஒருங்கிணைக்கும் திறன் பெற்றிருத்தல் வேண்டும் .

தொழில்முனைவு திறனுக்கான தகுதி பெற்றிருத்தல் வேண்டும். ஊரக தொழில் வாய்ப்புகளில் ( வேளாண் , வேளாண் சாராத மற்றும் சேவை துறையில் ) திறன் மற்றும் பொது அறிவு பெற்றிருத்தல் வேண்டும் மற்றும் நிதி நடவடிக்கை சார்ந்த திறன் பெற்றிருத்தல் வேண்டும் . இத்துறையில் அனுபவமுள்ள பெண்கள் மற்றும் சமூக ரீதியாக பின் தங்கியவர்களுக்கு முன்னுரிமை அளிக்கப்படும். நிதி நிறுவனங்கள் மற்றும் பிற துறைகளை ஒருங்கிணைத்து செயல்படும் அனுபவம் பெற்றிருக்க வேண்டும் .மேலும் இந்த இரண்டு பணியிடங்களுக்கு பின்வரும் நிபந்தனைகள் பின்பற்றப்படுகிறது . மாத சம்பளம் ரூ .25000 / - + TA + Incentive 5 % of actual salary , விண்ணப்பங்கள் பதிவு அஞ்சல் மூலமோ அல்லது நேரிலோ சமர்பிக்கலாம் .

நிர்ணயிக்கப்பட்ட நாள் மற்றும் நேரத்திற்கு பின்னர் பெறப்படும் விண்ணப்பங்கள் பரிசீலிக்கப்பட மாட்டாது . பெறப்பட்ட விண்ணப்பங்கள் ஓரிட சேவை மைய மேலாண்மைக் குழுவால் பரிசீலனை செய்து தகுதி வாய்ந்த விண்ணப்பதாரர்களை தேர்ந்தெடுத்து பின்னர் நேர்காணலுக்கு அழைக்கப்படுவார்கள் . ஒரிட சேவை மையத்தின் விதிகளுக்குட்பட்டு விண்ணப்பங்களை ஏற்றுக்கொள்ளவோ , நிராகரிக்கவோ ஓரிட சேவை மைய மேலாண்மைக் குழுவிற்கு முழு அதிகாரம் உண்டு .நேர்காணல் நடைபெறும் விபரம் அஞ்சல் வழியாகவோ ,அல்லது மின்னஞ்சலிலோ குறுஞ் செய்தியாகவோ அல்லது தொலைபேசியின் வாயிலாக விண்ணப்பதாரருக்கு தெரிவிக்கப்படும் என சேலம் மாவட்ட ஆட்சித் தலைவர் கார்மேகம் தெரிவித்துள்ளார் .