சேலம் மாநகர புதிய காவல் ஆணையர் பொறுப்பேற்பு

சேலம் மாநகர காவல் ஆணையாளராக சந்தோஷ்குமார் பொறுப்பேற்றார்.

சேலம் மாநகர காவல் ஆணையராக பொறுப்பு வகித்து வந்த செந்தில்குமார், சென்னை வடக்கு கூடுதல் ஆணையாளராக இடமாற்றம் செய்யப்பட்டார். இவருக்கு பதிலாக சென்னை தலைமை நிர்வாகப்பிரிவு ஐஜியாக பதவி வகித்து வந்த சந்தோஷ்குமார் சேலம் மாநகர காவல் ஆணையாளராக நியமிக்கப்பட்டார்.இதைத் தொடர்ந்து அவர், சேலம் நெத்திமேடு பகுதியில் உள்ள மாநகர காவல் ஆணையாளர் அலுவலகத்தில் இன்று காலை முறைப்படி பொறுப்பேற்றுக் கொண்டார். அவருக்கு துணை ஆணையாளர்கள் செந்தில், சந்திரசேகர், உதவி ஆணையாளர்கள், ஆய்வாளர்கள் மற்றும் அலுவலக பணியாளர்கள் பூங்கொத்து கொடுத்து வரவேற்றனர்.