சேலத்தில் இரண்டாம் கட்ட உடற் தகுதி தேர்வு இன்று தொடக்கம்

தமிழக காவல்துறையில் காலியாக உள்ள இரண்டாம் நிலை காவலர்களுக்கான பணியிடங்களை நிரப்பும் பொருட்டு தமிழகத்தில் நடைபெற்று முடிந்த எழுத்துத் தேர்வில் வெற்றி பெற்றவர்களுக்கு கடந்த வாரம் திங்கட்கிழமை முதல் உடல்தகுதி தேர்வு நடைபெற்று வருகிறது.

அதன்படி சேலம் மாவட்ட ஆயுதப்படை மைதானத்தில் நடைபெற்ற முதல் கட்ட உடல் தகுதித் தேர்வில் சேலம் மற்றும் நாமக்கல் மாவட்டத்தைச் சேர்ந்த 403 பெண்கள் உட்பட 2 ஆயிரத்து 215 பேர் தேர்வு செய்யப்பட்டுள்ளனர்.

இவர்களுக்கு இரண்டாம் கட்ட உடல்தகுதி தேர்வு இன்று துவங்கியது. தமிழ்நாடு மதுவிலக்கு மத்திய புலனாய்வு பிரிவு எஸ்பி சுப்புலட்சுமி மேற்பார்வையில் கயிறு ஏறுதல், நீளம் தாண்டுதல், 100 மீட்டர் ஓட்டம், குண்டு எறிதல் உள்ளிட்ட தகுதித் தேர்வுகள் நடைபெற்றன. தேர்வின் நிகழ்வுகள் அனைத்தும் வீடியோ பதிவு செய்யப்பட்டு வருகின்றன.