சேலம் விமான நிலையத்திற்கு ரூ.10 கோடியில் 2 அதிநவீன தீயணைப்பு வாகனங்கள்!
இந்த அதிநவீன தீயணைப்பு வாகனத்தின் சிறப்புகள் பற்றி விமான நிலைய இயக்குனர் ரவீந்திரசர்மா கூறுகையில், சேலம் விமான நிலையத்தில் இருந்து சிறிய ரக விமானம் இயக்கப்படுகிறது. ஆனால் வரும் காலத்தில் பெரிய ரக விமானம் வந்தாலும் பாதிப்பு என்றால் பாதுகாக்கும் வகையில் அதிநவீன 2 தீயணைப்பு வாகனங்கள் சேலம் விமான நிலையத்திற்கு கொண்டு வரப்பட்டுள்ளன.
வெளிநாட்டில் இருந்து இறக்குமதி செய்யப்பட்ட இந்த 2 தீயணைப்பு வாகனங்கள் ரூ.10 கோடி மதிப்பிலானது. தீயணைப்பு வாகனம் 40 நிமிடங்களில் 120 கிலோ மீட்டர் வேகம் வரை தண்ணீர் செல்லக்கூடிய வகையில் தீயை அணைக்க அக்குவா பிலிம் பார்மேஷன் போம் என்ற வேதிபொருள் கலந்து 360 டிகிரி கோணத்தில் நான்குபுறமும் தண்ணீரை சுழன்று அடிக்கும் வல்லமை உடையது.
இந்த வாகனம் அனைத்தும் எலக்ட்ரானிக் தானியங்கி சிஸ்டத்தில் இயங்க கூடியது. மேலும் இவற்றில் உயிர் காக்கும் கருவிகள் பொருத்தப்பட்டு உள்ளதாக, அவர் தெரிவித்தார்.
