மேட்டூர் அணைக்கு நீர்வரத்து குறைந்தது
மேட்டூர் அணைக்கு நீர்வரத்து 1,101 கன அடியாக குறைந்துள்ளது. இதனால், அணை நீர்மட்டம் சரியத் தொடங்கியது.
சேலம் மாவட்டம் மேட்டூர் அணையின் நீர்மட்டம், இன்று காலை 8:00 மணி நிலவரப்படி, 83.29 அடியாக இருந்தது. அணையின் நீர் இருப்பு 45.31 டி.எம்.சி.யாக உள்ளது.
மேட்டூர் அணைக்கு நீர்வரத்து வினாடிக்கு 4,123 கன அடியில் இருந்து 1,101 கன அடியாக குறைந்தது. டெல்டா பாசனத்திற்கு அணையில் இருந்து திறக்கப்படும் தண்ணீர் அளவு வினாடிக்கு 15,000 கன அடியாக உள்ளது.
மேட்டூர் அணைக்கு நீர்வரத்தை விட, பாசனத்திற்கு வெளியேற்றப்படும் தண்ணீரின் அளவு அதிகமாக இருப்பதால் அணையின் நீர் மட்டமும் தொடர்ந்து குறைந்து வருகிறது.
Next Story
