எடப்பாடியில் முன்னாள் முதல்வர் கலைஞரின் மூன்றாம் ஆண்டு நினைவு நாள்

தமிழக முன்னாள் முதல்வரும், திமுக தலைவருமான கலைஞர் கருணாநிதியின் மூன்றாம் ஆண்டு நினைவு நாள் தமிழகம் முழுவதும் உள்ள திமுகவினர் அனுசரித்து வருகின்றனர். இதன் ஒரு பகுதியாக சேலம் மாவட்டம் எடப்பாடி நகரம் மற்றும் கொங்கணாபுரத்தில் உள்ள திமுகவினர் இன்று கலைஞரின் திருவுருவப் படத்தை பூக்களால் அலங்கரித்து மலர் தூவி அஞ்சலி செலுத்தினர். எடப்பாடி நகர திமுக சார்பில் எடப்பாடி பேருந்து நிலையம் எதிரே நகர செயலாளர் பாஷா தலைமையில் சேலம் மேற்கு மாவட்ட பொறுப்பாளர் செல்வகணபதி கலைஞர் படத்திற்கு மலர் தூவி மரியாதை செலுத்தினார்.