சேலம் மாவட்டத்தில் நாளை 138 மையங்களில் 25 ஆயிரம் பேருக்கு தடுப்பூசி

சேலம் மாவட்டத்தில் கடந்த 3 நாட்களாக தடுப்பூசி போடப்படாத நிலையில் நாளை தடுப்பூசி போடப்படும் என மாவட்ட ஆட்சியர் கார்மேகம் அறிவித்துள்ளார். இதன்படி சேலம் மாவட்டம் முழுவதும் நாளை 138 மையங்களில் 25 ஆயிரம் பேருக்கு கொரானா தடுப்பூசி போடப்பட உள்ளன. இந்த மையங்களில் பொதுமக்களுக்கு முதல் மற்றும் இரண்டாம் தவணை கோவிஷீல்டு தடுப்பூசி மட்டும் போடப்பட உள்ளன. எனவே கொரானா தடுப்பூசி போட செல்லும் பொதுமக்கள் தங்கள் வசிக்கும் பகுதிக்குட்பட்ட தடுப்பூசி மையங்களுக்கு நேரில் சென்று கட்டாயமாக முககவசம் அணிந்து சமுக இடைவெளியை பின்பற்றி கொரானா தடுப்பூசியை பெற்றுக் கொள்ளுமாறு மாவட்ட ஆட்சியர் கேட்டுக் கொண்டுள்ளார்.