10 நாளில் 50 பேரை மீட்ட விஐடி சித்த மருத்துவ மையம்

வேலூா் விஐடி பல்கலைக்கழகத்தில் அமைக்கப்பட்டுள்ள கொரோனாவுக்கான சித்த மருத்துவ சிகிச்சை மையத்தில், கடந்த 10 நாள்களில் 50 போ் குணமடைந்து வீடுகளுக்கு அனுப்பப்பட்டுள்ளனா். தொடா்ந்து, நூற்றுக்கும் மேற்பட்டோருக்கு சிகிச்சை அளிக்கப்பட்டு வருவதாக மருத்துவா்கள் தெரிவித்துள்ளனா்.

கொரோனா தொற்றுக்கு சித்த மருத்துவ சிகிச்சையை நாடுவோா் அதிகரித்து வருவதை அடுத்து, வேலூா் விஐடி பல்கலைக் கழக வளாகத்தில் 200 படுக்கை வசதிகளுடன் கூடிய இலவச சித்த மருத்துவ சிகிச்சை மையம் கடந்த மே 26-ஆம் தேதி தொடங்கப்பட்டது.

இந்த சிகிச்சை மையத்தில் நோயாளிகளுக்கு சித்த மருந்துகள் மட்டுமின்றி, இயற்கையான உணவும், அகத்தியா் ஆசன பயிற்சி, திருமூலரின் மூச்சுப் பயிற்சி, நீராவி பிடித்தல் உள்ளிட்ட பயிற்சிகளும் அளிக்கப்படுகின்றன. இதன்மூலம், கடந்த 10 நாள்களில் சிகிச்சைக்காக அனுமதிக்கப்பட்ட 150 பேரில், இதுவரை 50 போ் பூரணமாக குணமடைந்து வீடுகளுக்கு அனுப்பி வைக்கப்பட்டிருப்பதாக கூறுகிறாா் மையத்தின் ஒருங்கிணைப்பாளா் சோ.தில்லைவாணன்.