நெமிலியருகே ஜேசிபி டிரைவர் அடித்துக் கொலை.

இராணிப்பேட்டை நெமிலியடுத்த மகேந்திரவாடியைச் சேர்ந்த சக்திவேல்(22) ,இவர் அதேபகுதியில் ஜேசிபி டிரைவராக இருந்து வந்தார்.சக்திவேல், அதே ஊரைச்சேர்ந்த அருள் என்பவரின் மகள் அனிதாவை காதலித்து வந்ததாகவும் அதனால். பிரச்சினை ஏற்பட்டு அனிதா கடந்த வருடம் விஷமருந்தி தற்கொலை செய்து கொண்டதாக கூறப்படுகிறது. இதனால் சக்திவேல், அருள் இருவருக்குமிடையே பகை உண்டாகி அடிக்கடித் தகராறு ஏற்பட்டு வந்ததாகக் கூறப்படுகிறது..

இந்த சூழலில் சக்திவேல் தனது ஜேசிபி மூலம் அருள் வீட்டு காம்பௌண்டு சுவற்றை இடித்ததாகவும் அதனால் ஆத்திரமடைந்த அருள் மற்றும் 4 பேர் சேர்ந்து சக்திவேலைத் தாக்க முற்பட்டுள்ளனர்.

அதற்குள் அங்கிருந்து தப்பிய சக்திவேலை அருள் மற்றும் அவரது சகாக்கள் 4 பேரும் சேர்ந்து பைக்கில் தொடர்ந்து விரட்டி வந்து சிறுவளையத்தில் மடக்கி பயங்கரமாக தாக்கியுள்ளனர்.. அதில் ,பலத்த காயமடைந்த சக்திவேல் அங்கேயே மயங்கிக் கிடந்தார்.

இதுகுறித்து தகவலறிந்த உறவினர்கள் உடனே சக்திவேலை சிகிச்சைக்கு வாலாஜா அரசுமருத்துவமனைக்கு கொண்டு சென்று பின்பு மேல் சிகிச்சைக்காக வேலூர் அரசுமருத்துவக்கல்லூரி மருத்துவ மனையில் சேர்த்தனர்.

அங்கு ,சிகிச்சைப் பலனின்றி சக்திவேல் உயிரிழந்தார் . இது குறித்து நெமிலிப் போலீஸார் வழக்குப்பதிந்து குற்றவாளிகளைத் தேடி வருகின்றனர்.