புதுக்கோட்டையில் 7-ஆவது உலகத் திரைப்பட விழா நிறைவு

Film Festival -தமிழ்நாடு முற்போக்கு எழுத்தாளர் கலைஞர்கள் சங்கத்தின் சார்பில் 7-ஆவது உலகத் திரைப்பட விழா நிறைவு பெற்றது

HIGHLIGHTS

புதுக்கோட்டையில்  7-ஆவது உலகத் திரைப்பட விழா நிறைவு
X

நிறைவு விழாவில் தமுஎக சங்கத்தின் மாநிலத் தலைவர் மதுக்கூர் ராமலிங்கம் சிறப்புரையாற்றினார்.

Film Festival -புதுக்கோட்டை வெஸ்ட் திரையங்கத்தில் நடைபெற்று வந்த 7-ஆவது உலகத் திரைப்பட விழா எழுச்சியுடன் நிறைவு பெற்றது.

தமிழ்நாடு முற்போக்கு எழுத்தாளர் கலைஞர்கள் சங்கத்தின் சார்பில் 7-ஆவது உலகத் திரைப்பட விழா அக்.14 முதல் 18 வரை புதுக்கோட்டை வெஸ்ட் திரையரங்கத்தில் நடைபெற்றது. 5 நாட்களும் 11 நாடுகளைச் சேர்ந்த 23 திரைப்படங்கள் திரையிடப்பட்டது. தமிழகம் முழுவதும் இருந்து 500-க்கும் மேற்பட்ட பார்வையாளர்கள் பங்கேற்றனர்.

ஒவ்வொரு நாளும் திரைப்பட இயக்குநர்கள் சசி, பாண்டிராஜ், காளி வெங்கட், வினோத்ராஜ், பிரம்மா, தமிழ், எடிட்டர் லெனின், ஒளிப்பதிவாளர் விக்னேஷ்குமுளை ஆகியோருடன் எழுத்தாளர்கள் ச.தமிழ்ச்செல்வன், ஆர்.நீலா, ஓவியர் ஸ்ரீரசா, திரைக்கலைஞர் கா.பிரகதீஸ்வரன் உள்ளிட்டோர் கலைந்துரையாடல் நிழச்சியை நடத்தியது. பார்வையாளர்களுக்கு உலகத் திரைப்படங்கள் குறித்த பார்வையை மேம்படுத்துவதாக அமைந்தது.

நிறைவு விழாவுக்கு தமுஎகச மாநில துணைத் தலைவர் நா.முத்துநிலவன் தலைமை வகித்தார். மேனாள் சட்டமன்ற உறுப்பினர் கவிச்சுடர் கவிதைப்பித்தன், கவிஞர்கள் தங்கம்மூர்த்தி, ஜீவி, மருத்துவர் ஜெயராமன், கவிஞர் ரமா ராமநாதன் உள்ளிட்டேர் பேசினர். விழாவில் கலந்துகொண்டு சங்கத்தின் மாநிலத் தலைவர் மதுக்கூர் ராமலிங்கம் பேசுகையில், திரைப்பட விழா என்பது ஒன்று அல்லது அதற்கு மேற்பட்ட திரையரங்குகளில் அல்லது திரையிடும் வசதியுள்ள சிறப்பு அரங்குகளில் குறிப்பிட்ட சில திரைப்படங்களை திரையிட்டு விவாதிப்பது, விளக்குவது, மற்றும் தேர்ந்தெடுத்து பெருமைப்படுத்துவது போன்ற பல நிகழ்வுகள் ஒருங்கே நிகழும் ஒரு கலை விழாவாகும்.

பொதுவாக ஒரு நகரம் அல்லது பிராந்தியத்தில் இவ்விழா நடைபெறுகின்றன. திரைப்பட விழாக்களில் திரைப்படங்கள் பொருத்தமான திறந்த வெளி அரங்கிலும் திரையிடப்படுவதுண்டு. திரையிடப்படும் திரைப்படங்கள் சமீபத்திய தேதிகளில் திரையிடப்பட்டதாக இருக்கலாம். நடத்தப்படும் திரைப்பட விழாவின் நோக்கத்தைப் பொறுத்து பன்னாட்டு மற்றும் உள்நாட்டு திரைப்படங்களின் வெளியீடுகளும் விழாக்களில் சேர்க்கப்படுகின்றன. திருவிழாக்கள் ஒரு குறிப்பிட்ட திரைப்பட தயாரிப்பாளர் அல்லது திரைப்பட வகையை சேர்ந்த படங்களை திரையிடுவதில் கவனம் செலுத்துகின்றன.

இன்று, உலகெங்கிலும் ஆயிரக்கணக்கான திரைப்பட விழாக்கள் நடைபெறுகின்றன - சன்டான்ஸ் திரைப்பட விழா மற்றும் சிலாம்டான்ஸ் திரைப்பட விழா, டெர்ரர் திரைப்படவிழா மற்றும் இசையை ரசிப்பதற்காக அர்ப்பணிக்கப்பட்ட முதல் அமெரிக்க திரைப்பட விழா என்று திரைப்பட விழாக்களின் எண்ணிக்கை நாளுக்கு நாள் அதிகரித்தபடியே உள்ளன.உற்பத்தி செலவு கணிசமாகக் குறைக்கப்பட்ட போதும்,, திரைப்படத் தயாரிப்பின் ஒத்துழைப்புக்கு இணைய தொழில்நுட்பம் அனுமதிக்க தொடங்கிய போது எழுத்தாளர்கள் மற்றும் திரைப்படத் தயாரிப்பாளர்களுக்காக திரைப்பட நிதிப் போட்டிகள் அறிமுகப்படுத்தப்பட்டன என்றார் மதுக்கூர் ராமலிங்கம்.

விழாவில் நாற்பது ஆண்டுகளுக்கும் மேலாக உலகத் திரைப்படங்களை திரையிட்டும், திரை ஆளுமைகளை அழைத்து வந்து விழா எடுத்தும், உலகத் திரைப்படங்கள் குறித்து ஏராளமான கட்டுரை நூல்களை எழுதியும் உலகத் திரைப்பட விழா குறித்து விசாலமான பார்வையை மக்களிடம் கொண்டு சென்றதற்காக புதுகை பிலிம் சொசைட்டி நிறுவனர் எஸ்.இளங்கோ கௌரவிக்கப்பட்டார். முன்னதாக மாவட்டத் தலைவர் ராசி.பன்னீர்செல்வம் வரவேற்றார். பொருளாளர் கி.ஜெயபாலன் நன்றி கூறினார். மாவட்டச் செயலாளர் எம்.ஸ்டாலின் சரவணன் நிகழ்ச்சிகளை தொகுத்து வழங்கினார்.




அடுத்த முக்கியமான செய்திகளை தெரிந்துகொள்ள: Click Here-1, Click Here-2

Updated On: 20 Oct 2022 11:36 AM GMT

Related News

Latest News

  1. ஆன்மீகம்
    Horoscope Today: அனைத்து ராசியினருக்கான இன்றைய ராசிபலன்
  2. திருவண்ணாமலை
    கைக்குழந்தையுடன் வரும் தாய்மார்களுக்கு பால் வழக்கும் திட்டம், ஆட்சியர்...
  3. திருவண்ணாமலை
    பள்ளி மேலாண்மைக் குழுத் தலைவா்களுக்கான மாநாடு
  4. காஞ்சிபுரம்
    தங்க கிளி வாகனத்தில் கிளிநடை போட்டு வந்த காமாட்சி அம்மன்.
  5. திருச்சிராப்பள்ளி மாநகர்
    அனைவருக்கும் நிலம் வழங்க பிரதமர் மோடிக்கு எச்எம்கேபி மாநில செயலாளர்...
  6. திருச்சிராப்பள்ளி மாநகர்
    தமிழ்நாடு பட்டதாரி முதல்நிலை பட்டதாரி ஆசிரியர் கழகத்தின் மாநில...
  7. லைஃப்ஸ்டைல்
    Variation Of Washing Soap And Powder கடின நீரில் சோப்புகள் கரையாது......
  8. அரசியல்
    மத்திய மந்திரி எல். முருகன் ராஜ்ய சபா எம்.பி. ஆக போட்டியின்றி தேர்வு
  9. அரசியல்
    தமிழக அரசின் வேளாண் பட்ஜெட்டிற்கு மதிமுக பொதுச்செயலாளர் வைகோ
  10. தமிழ்நாடு
    நடிகர் இளவரசு மீதான வழக்கு சென்னை ஐகோர்ட்டில் முடித்து வைப்பு