அரசியல் பேசாத பாஸிடிவ் முதல்வர்

முதல் முறையாக முதலமைச்சர் பதவி ஏற்றுள்ள ஸ்டாலின் எதிர்கொள்ள வேண்டிய பிரச்சனைகள் அதிகம், முதலமைச்சர் பதவி என்பது முதல் தடவையாக இருந்தாலும்.. அரசியலையும், அரசாங்க நிர்வாகத்தையும் இயக்குவது அவருக்கு புதிதல்ல என்பதை நிரூபித்து விட்டார்.

தேர்தல் முடிவுகளுக்காக காத்திருந்த அந்த ஒரு மாதம் வேறு எதுவும் நடக்கவில்லை. தமிழகத்தில் பிரச்சனை தீவிரம் அடைந்தது.. கொரோனா இரண்டாம் அலை வேகம் அதிகரித்தது அப்போது தான்.

ஒரு அசாதாரண சூழலில் பதவி ஏற்ற ஸ்டாலின் கடினமான சவால்களை எதிர்கொள்ள வேண்டிய தருணமாக இருந்தது.

மம்தாவிற்கும், பினராயி விஜயனுக்கும் இல்லாத luxury, தமிழக முதல்வருக்கு இருக்கிறது. எதிர்கட்சியாக இருந்து ஆளுங்கட்சியாகிய அரசு.

எல்லாப் பழியையும், முந்தைய அரசாங்கத்தின் மீது போட்டு விட்டு, கை மீறி போய் விட்டது. ஒன்றையும் அவர்கள் ஒழுங்காக செயல்படுத்தவில்லை என்று சொல்லி டிவி பிரச்சாரம் செய்து விட்டு, என்னால் முடிந்ததை பார்க்கிறேன் என்று வெற்றிக் களிப்பில் மிதந்துக் கொண்டு இருந்திருக்கலாம்.

ஆனால் அப்படி யாரையும் குறை கூறவில்லை, முந்தைய அரசின் மீது குற்றம் சுமத்தவில்லை. இது வரை ஸ்டாலின் குறையாக ஒரு ஸ்டேட்மெண்ட் கூட கொடுக்கவில்லை.

பதவி ஏற்ற குறுகிய காலத்தில் அரசாங்க மிஷினை முழுவதுமாக ஜெட் வேகத்தில் துரிதப்படுத்தி இருக்கிறார்.

ஒரு பாசிடிவ் கவர்ன்மென்ட்டுக்கான செயல்பாடுகள் எப்படி இருக்கும் என்பதை நமக்கு உணர்த்தி காட்டியிருக்கிறார்..

சிங்கபூர்ல கேட்டு காலி ஆக்சிஜன் சிலிண்டர் வாங்கி தூத்துக்குடி ஸ்டெர்லைட் கொண்டு போய் சேர்த்தாச்சு..

ரெடியான ஆக்சிஜன அங்கிருந்து வாங்கியாச்சு..

இனி அங்கு தயாரிக்கிரதை முழுவதும் தமிழ்நாட்டுக்கேனு முடிவாயாச்சு..

மேலும் வெஸ்ட் பெங்கால்ல இருந்து 84 MT ஆக்சிஜன் தமிழக ஆஸ்பிடல்க்கு வந்தாச்சு..

தடுப்பூசிக்கு வெளிநாட்டில் இருந்து இறக்குமதி பண்ண ஏற்பாடு பண்ணியாச்சு..

இக்கட்டான சூழலில் மக்களுக்கு என்ன செய்யவேண்டும் என்பதை நன்றாக புரிந்து கொண்டு, சிகிச்சைக்கு தேவையான மருந்துகளுக்கும், ஆக்சிஜனுக்கும் துரிதமாக ஏற்பாடு செய்துள்ளார். அரசியல் கடந்து அவரது இந்த செயல்பாடுகளை பலரும் பாராட்டி வருகின்றனர்.