உதகையில் கஞ்சா விற்ற வாலிபர் கைது - 150 கிராம் கஞ்சா பறிமுதல்

உதகை நகரில், பள்ளிவாசல் பகுதியில் கஞ்சா விற்பனை செய்வதாக, உதகை நகர மத்திய போலீசாருக்கு தகவல் வந்தது. இதையடுத்து, போலீசார் சம்பவ இடத்துக்கு சென்று கண்காணித்தனர். சந்தேகத்திற்கு இடமான வகையில் அங்கு நின்ற வாலிபர் ஒருவரிடம் போலீசார் விசாரித்தனர்.

அதில் அவர், உதகை தாமஸ் சர்ச் சாலை பகுதியை சேர்ந்த ஜான் பிரிட்டோ (19) என்பவர் கஞ்சா விற்பனை செய்தது தெரியவந்தது. போலீசார், அந்த வாலிபரிடம் இருந்து 150 கிராம் கஞ்சாவை பறிமுதல் செய்தனர். ஜான் பிரிட்டோ மீது வழக்குப்பதிந்து போலீசார் கைது செய்தனர்.