டூவீலர் மீது அடையாளம் தெரியாத வாகனம் மோதி விபத்து: இருவர் படுகாயம்
பைல் படம்.
குமாரபாளையம் அருகே டூவீலர் மீது அடையாளம் தெரியாத வாகனம் மோதி விபத்துக்குள்ளானதில் இருவர் படுகாயமடைந்தனர்.
ஈரோடு மாவட்டம், பவானி பழனிபுரத்தில் வசிப்பவர் கிருஷ்ணகுமார், 41, வெங்காய வியாபாரி. நேற்றுமுன்தினம் விடியற்காலை 04:00 மணியளவில் இவரும் இவரது நண்பர் பத்மநாபன், 57, இருவரும் திருச்செங்கோடு தினசரி மார்க்கெட்டிற்கு வெங்காய வியாபாரம் செய்ய தனது அக்செஸ் வாகனத்தில், கிருஷ்ணகுமார் ஓட்டி செல்ல, பத்மநாபன் பின்னால் உட்கார்ந்து வந்தார்.
சேலம் கோவை தன்வந்தரி மருத்துவமனை அருகே வரும் போது, அதே திசையில் வந்த அடையாளம் தெரியாத வாகனம் மோதியதில் இருவரும் படுகாயமடைந்தனர். இருவரும் கோவை தனியார் மருத்துவமனையில் சிகிச்சைக்காக சேர்க்கப்பட்டுள்ளனர். இது குறித்து குமாரபாளையம் போலீசார் வழக்குப்பதிவு செய்து விசாரணை செய்து வருகின்றனர்.
Next Story
