குமாரபாளையத்தில் ஒன்றரை ஆண்டுகளுக்குக்பின் தட்டச்சு தேர்வு

குமாரபாளையம் ராகவேந்திரா பாலிடெக்னிக் கல்லூரியில் தமிழ்நாடு தொழில்நுட்பக் கல்வி வாரியம் சார்பில், கடந்த இரண்டு நாட்களாக தட்டச்சு தேர்வு நடைபெற்றது.

கொரோனா ஊரடங்கு அமலில் இருந்ததால் கடந்த ஒன்றரை ஆண்டுகளாக தட்டச்சு தேர்வுகள் நடைபெறாமல் இருந்தது. இந்நிலையில் ராகவேந்திரா பாலிடெக்னிக் கல்லூரியில் நடைபெற்ற தேர்வில் குமாரபாளையம், பள்ளிபாளையம், பவானி, ஈரோடு மற்றும் அந்தியூர் ஆகிய இடங்களில் இருந்து 1,593 க்கும் மேற்பட்ட மாணவ, மாணவியர்கள் 24 க்கும் மேற்பட்ட தட்டச்சு பயிற்சி பள்ளிகளில் இருந்து வந்து தேர்வில் பங்கேற்றனர்.

சுமார் 45 நாட்களில் இந்த தேர்வு முடிவுகள் வெளியாகும் என தெரிவிக்கப்பட்டுள்ளது.

இதுகுறித்து தேர்வு முதன்மை கண்காணிப்பாளர் விஜயகுமார் கூறுகையில், தேர்வில் பங்கேற்ற மாணவ, மாணவியர்களுக்கு உடல் வெப்பநிலை பரிசோதித்து, கிருமிநாசினி பயன்படுத்திய பின்னரே தேர்வு அறைக்குள் அனுமதிக்கப்பட்டனர். சமூக இடைவெளியுடன் மாணவர்கள் தேர்வினை எழுதினார்கள் என அவர் தெரிவித்தார்.