பள்ளிபாளையம் அருகே பல்வேறு சம்பவங்களில் மூவர் பலி: போலீசார் விசாரணை

பள்ளிபாளையம் அருகே எலந்தகுட்டை பகுதியை சேர்ந்தவர் சுரேஸ், 26. கூலி தொழிலாளி. இவர் தனது டி.வி.எஸ். விக்டர் வாகனத்தில் கிழக்கு தொட்டிபாளையம் பகுதியில் வந்த போது, எதிரே வந்த யமஹா டூவீலர் மோதி சம்பவ இடத்திலேயே பலியானார்.

போலீசார் விசாரணையில் எதிரே வந்தவர்கள் கலியனூரை சேர்ந்த சக்திவேல், 43, முருகேசன், 52, விவசாயிகள் என்பது தெரியவந்தது. இவர்கள் இருவரும் ஆபத்தான நிலையில் ஈரோடு தனியார் மருத்துவமனையில் அனுமதிக்கப்பட்ட நிலையில், சக்திவேல் சிகிச்சை பலனின்றி இறந்தார்.

மேலும், பள்ளிபாளையம் அக்னி மாரியம்மன் கோவில் தெருவில் வசிப்பவர் கூலி தொழிலாளி பிரசாந்த், 31. இவர் தினமும் நடைபயிற்சி செய்வது வழக்கம். வழக்கம்போல் நேற்றும் நடைப்பயிற்சிக்கு சென்றார். அரசு மேல்நிலைப்பள்ளி அருகே வந்த போது திடீரென மயங்கி விழுந்தார். அக்கம் பக்கம் உள்ளவர்கள் ஈரோடு மருத்துவமனைக்கு அனுப்பி வைத்தனர். இவரை பரிசோத்தித்த டாக்டர் அவர் ஏற்கனவே இறந்து விட்டதாக கூறினார்.

இதுகுறித்து பள்ளிபாளையம் போலீசார் விசாரணை செய்து வருகின்றனர்.