முதலமைச்சர் கோப்பை: ஜே.கே.கே.நடராஜா கல்வி நிறுவனங்களின்மாணவ, மாணவிகள் சாதனை

நாமக்கல்லில் நடந்த மாவட்ட அளவிலான முதலைமைச்சர் கோப்பைக்கான விளையாட்டு போட்டிகளில் குமாரபாளையம் ஜே.கே.கே. நடராஜா கல்வி நிறுவன மாணவ, மாணவியர்கள் சாதனை படைத்தனர்.

நாமக்கல் அரசு மருத்துவக் கல்லூரியில் மாவட்ட அளவிலான முதலைமைச்சர் கோப்பைக்கான விளையாட்டு போட்டிகள் நடந்தன. இந்த போட்டிகளில் குமாரபாளையம் ஜே.கே.கே. நடராஜா கல்வி நிறுவன மாணவ, மாணவியர்களான .ஜோலிதியா, மௌனிகா, .அபினா ஜெர்சினி, ஜனஸ்ரீ, ஜெயந்தி லலிதா மற்றும் அபிநயா ஆகியோர் கூடைப்பந்து போட்டியில், ரன்னர் சாம்பியன் பட்டத்தை வென்றதற்கான, பதக்கம், சான்றிதழ் மற்றும், ரொக்கப்பரிசாக தலா ரூ. 2 ஆயிரமும் பெற்றார்கள்.

நாமக்கல் ஆட்சியர் அலுவலகத்தில் உள்ள விளையாட்டுத் திடலில் நடைபெற்ற முதலமைச்சர் கோப்பைக்கான மாவட்ட அளவிலான நீச்சல் போட்டியில், குமாரபாளையம் ஜே.கே.கே.என். பொறியியல் கல்லூரி மாணவர் நவீன் குமார் இரண்டாம் இடத்தை வென்று, பதக்கம், சான்றிதழ் மற்றும், ரொக்கப்பரிசும் பெற்றார். ஜே.கே.கே.நடராஜா கல்வி நிறுவனங்களின் தலைவர் செந்தாமரை, நிர்வாக இயக்குநர் ஓம்சரவணா ஆகியோர் சாதனை படைத்த மாணவ மாணவர்களை பாராட்டினர்.