கிருஷ்ண ஜெயந்தியை முன்னிட்டு குமாரபாளையம் பெருமாள் கோவில்களில் சிறப்பு பூஜை
கிருஷ்ண ஜெயந்தி நாளையொட்டி குமாரபாளையம் பாண்டுரங்கர் கோவிலில் சுவாமிகள் சிறப்பு அலங்காரத்தில் அருள்பாலித்தனர்.
கிருஷ்ண ஜெயந்தி நாளையொட்டி, குமாரபாளையம் திருவள்ளுவர் நகர் ஸ்ரீதேவி, பூதேவி சமேத சௌந்தரராஜ பெருமாள் கோவில், குமாரபாளையம் அக்ரஹாரம் லட்சுமி நாராயண சுவாமி கோவில், விட்டலபுரி பாண்டுரங்கர் கோவிலில் சிறப்பு அபிஷேகம் மற்றும் ஆராதனைகள் நடைபெற்றது.
மேலும், ராமர் கோவில், ஜெய்ஹிந்த் நகர் ஸ்ரீதேவி, பூதேவி சமேத புருஷோத்தம பெருமாள் கோவில், கோட்டைமேடு ஸ்ரீதேவி, பூதேவி சமேத தாமோதரசுவாமி கோவில், கள்ளிப்பாளையம் பெருமாள் கோவில் உள்ளிட்ட பல பெருமாள் கோவில்களில் சிறப்பு அபிஷேக, அலங்கார, ஆராதனைகள் நடைபெற்றது.
இதனைத்தொடர்ந்து, பக்தர்களுக்கு பிரசாதம் மற்றும் அன்னதானம் வழங்கப்பட்டது. பாண்டுரங்கர் கோவிலில் கிருஷ்ணர் சிலை வண்ண விளக்குகளால் அலங்கரிக்கப்பட்டு கண்கொள்ளாக் காட்சியாக இருந்தது.
