குமாரபாளையத்தில் விபத்துக்களை தடுக்க போலீசார் ஆய்வு

குமாரபாளையத்தில் விபத்துக்களை தடுக்க போலீசார் ஆய்வு செய்தனர்.

குமாரபாளையம் சேலம் - கோவை புறவழிச்சாலையில் விபத்துக்கள் தடுக்க இன்ஸ்பெக்டர் ரவி, எஸ்.ஐ. நந்தகுமார் உள்ளிட்ட போலீசார் கத்தேரி பிரிவு, டீச்சர்ஸ் காலனி, ஜே.கே.கே. நடராஜா கல்லூரி பிரிவு, எஸ்.எஸ்.எம் கல்லூரி பிரிவு, அருவங்காடு பிரிவு, பல்லக்காபாளையம் பிரிவு , உள்ளிட்ட பல இடங்களில் வேகமாக வரும் வாகனங்கள், வேகத்தை கட்டுப்படுத்த டிவைடர்கள் அமைக்க ஏற்பாடுகள் செய்தனர்.

இதுகுறித்து இன்ஸ்பெக்டர் ரவி கூறியதாவது:- மாவட்ட போலீஸ் எஸ்.பி. அறிவுறுத்தல்படி விபத்து அடிக்கடி ஏற்படும் இடங்களில் டிவைடர்கள் அமைக்க இடம் ஆய்வு செய்யப்பட்டது. போக்குவரத்து போலீசாரும், புறவழிச்சாலை ரோந்து வாகன போலீசாரும் விபத்துகள் ஏற்படாமல் தடுக்க தீவிர கண்காணிப்பில் ஈடுபட்டுள்ளனர். இவ்வாறு அவர் கூறினார்.