குமாரபாளையத்தில் இரு வேட்பாளர்களின் ஆதரவாளர்களுக்கிடையே கைகலப்பு

குமாரபாளையம் கே.ஓ.என். தியேட்டர் வீதி தனியார் பள்ளியில் ஓட்டுச்சாவடி அமைக்கப்பட்டிருந்தது. இங்கு ஒரு அரசியல் கட்சியின் ஆதரவாளர்கள் வாக்காளர்களை கார்களில் கொண்டு வந்து விட்டுக்கொண்டிருந்தனர்.

இதனைக் கண்ட சுயேச்சை வேட்பாளரின் ஆதரவாளர்கள் எதிர்ப்பு தெரிவித்தனர். ஒரு கட்டத்தில் இரு தரப்பினருக்கும் கைகலப்பு ஏற்பட்டது.

இது பற்றி தகவலறிந்த குமாரபாளையம் போலீசார் சம்பவ இடத்திற்கு நேரில் வந்து இரு தரப்பினரிடமும் சமாதான பேச்சு வார்த்தை நடத்தி கலைந்து போக செய்தனர்.