குமாரபாளையம் அருகே மின்னல் தாக்கி 16 ஆடுகள் பலி

நாமக்கல் மாவட்டம் குமாரபாளையம் அருகே சமயசங்கிலி ஊராட்சி, வாளாங்காடு பகுதியில் பொன்னுசாமி (வயது63 ) என்பவர் ஆடு வளர்க்கும் தொழில் செய்து வருகிறார். வீடு அருகே இருக்கும் பட்டியில் தினமும் மாலையில் மேய்ச்சல் வேலை முடிந்து ஆடுகளை விட்டு அடைத்து விடுவார். நேற்றும் அதே போல் செய்தார். திடீரென்று இடி மின்னலுடன் மழை பெய்தது. காலை 06:00 மணியளவில் பொன்னுசாமி பட்டிக்கு வந்து பார்த்தபோது இவர் வளர்த்த 20 ஆடுகளில் 16 ஆடுகள் இடி தாக்கியதில் இறந்து கிடந்தன. சேத மதிப்பு இரண்டு லட்சம் என கூறப்படுகிறது. இது குறித்து வி.ஏ.ஓ. செந்தில்குமார், பள்ளிபாளையம் போலீசார் விசாரணை செய்து வருகிறார்கள்.