குமாரபாளையம் பாண்டுரங்கர் கோவிலில் மண்டலாபிஷேக நிறைவு விழா

குமாரபாளையம் பாண்டுரங்கர் கோவிலில் ஆனி திருமஞ்சனம் விழா மற்றும் மண்டலாபிஷேக நிறைவு விழா நடைபெற்றது. காவேரி ஆற்றிலிருந்து தீர்த்தம் கொண்டு வரப்பட்டு கோவிலில் உள்ள விடோபா தாயார், மகாலட்சுமி தாயார், ஆண்டாள் , ஹனுமான் உள்ளிட்ட சுவாமிகளுக்கு சிறப்பு அபிஷேக, அலங்கார, ஆராதனைகள் நடத்தப்பட்டன. பக்தி பாடல்கள் நிகழ்ச்சி, பஜனை, கோஷ்டி நர்த்தனம் நடைபெற்றது. கோவில் வளாகம் முழுதும் மலர்களால் அலங்கரிக்கப்பட்டிருந்தது. பக்தர்களுக்கு பிரசாதம் மற்றும் அன்னதானம் வழங்கப்பட்டது. இதற்கான ஏற்பாடுகளை விழாக்குழுவினர் செய்திருந்தனர்.