குமாரபாளையம் அரசு கல்லூரியில் மீண்டும் மஞ்சள் பை விழிப்புணர்வு நிகழ்ச்சி

குமாரபாளையம் அரசு கலை மற்றும் அறிவியல் கல்லூரியில் நாட்டு நலப்பணித்திட்டத்தின் சார்பாக மீண்டும் மஞ்சள் பை என்ற விழிப்புணர்வு நிகழ்ச்சி கல்லூரி முதல்வர் ரேணுகா தலைமையில் நடந்தது. குமாரபாளையம் தமிழ்நாடு மாசு கட்டுபாடு வாரிய உதவிப் பொறியாளர் குணசேகரன் சிறப்பு விருந்தினராக பங்கேற்று, நெகிழி ஒழிப்பு குறித்து விழிப்புணர்வு உரையாற்றி, 750க்கும் மேற்பட்ட மாணவ, மாணவிகளுக்கு மஞ்சள் பைகள் வழங்கினார். நிர்வாகவியல் துறைத்தலைவர் சரவணாதேவி, வணிகவியல் துறைத்தலைவர் இரகுபதி, ,தமிழ்த்துறைத்தலைவர் ஞானதீபன், மாசுக்கட்டுபாடு வாரிய அலுவலர்கள் உள்பட பலர் பங்கேற்றனர்.

குமாரபாளையத்தில் சர்வதேச போதை பொருள் ஒழிப்பு குறித்து காவல்துறையினர் மற்றும் மாணவர்களின் விழிப்புணர்வு பேரணி மற்றும் கருத்தரங்கம் நடந்தது.

குமாரபாளையத்தில் சர்வதேச போதை பொருள் ஒழிப்பு குறித்து காவல் துறையினர் மற்றும் மாணவர்களின் விழிப்புணர்வு பேரணி நடைப்பெற்றது.

நாமக்கல் மாவட்டத்தை போதை பொருள் இல்லாத மாவட்டமாக உருவாக்க நாமக்கல் மாவட்ட காவல்துறை கண்காணிப்பாளர் ஆணையின்படி மாவட்ட மதுவிலக்கு காவல்துறை மற்றும் காவல்துறையினர் சார்பில் பல்வேறு நடவடிக்கைகள் மேற்கொள்ளபட்டு வருகிறது. கஞ்சா, கஞ்சா சாக்லேட், போலி மதுபான பாட்டில்கள் மற்றும் போதை மாத்திரைகள் உள்ளிட்டவை பறிமுதல் செய்து வருகின்றனர். இந்நிலையில் போதைப் பொருள் பயன்பாடு மற்றும் சட்டவிரோத கடத்தலுக்கு எதிரான சர்வதேச தினத்தையொட்டி, போதைப் பொருள்கள் குறித்து விழிப்புணர்வு ஏற்படுத்தும் வகையில் குமாரபாளையம் அரசு கலை மற்றும் அறிவியல் கல்லூரி மாணவ, மாணவியர்கள் பங்கேற்ற பேரணி நடந்தது. மேலும் போதைப் பொருளுக்கு எதிரான உறுதிமொழி எடுக்கப்பட்டு விழிப்புணர்வு ஏற்படுத்தப்பட்டது. இந்த விழிப்புணர்வு பேரணியில் கல்லூரி முதல்வர் ரேணுகா, இன்ஸ்பெக்டர் ராமகிருஷ்ணன் உள்ளிட்ட போலீசார் பலர் பங்கேற்றனர். மேலும் இதே கல்லூரியில் போதைப்பொருள் ஒழிப்பு குறித்த கருத்தரங்கம் நடந்தது.

இதில் இன்ஸ்பெக்டர் ராமகிருஷ்ணன் பேசியதாவது:-

போதை என்பது மனிதனை அடிமையாக்க வேண்டும். அது கல்வி போதை மற்றும் தொழில் சார்ந்த போதைகளாக இருக்க வேண்டும். நம்மை அடிமையாகவும் மூடனாகவும் மற்றும் போதைகளுக்கு எதிராக என்றும் மாணவ மாணவிகள் குரல் கொடுக்க வேண்டும்.

இவ்வாறு அவர் பேசினார்.