சட்டவிரோதமாக மதுபானம் விற்பனை செய்த 3 பேர் கைது

அரசு அனுமதியின்றி சட்டவிரோதமாக மதுபானம் மற்றும் தடை செய்யப்பட்ட புகையிலை பொருள்களை விற்ற மூன்று பேர் கைது

அனுமதியின்றி மது மற்றும் புகையிலை பொருட்கள் விற்பதாக தகவல் கிடைத்தது. இன்ஸ்பெக்டர் ரவி, எஸ்.ஐ. மலர்விழி, எஸ்.எஸ்.ஐ. சிவகுமார் மற்றும் போலீசார் தீவிர ரோந்து பணி மேற்கொண்டனர். அப்போது குளத்துக்காடு, எம்.ஜி.ஆர். நகர் பகுதியில் பெட்டிக்கடை அருகே மது விற்ற அண்ணாமலை( 50,), ஈஸ்வரி( 60,) ஆகியோர் கைது செய்யப்பட்டு 20 மது பாட்டில்கள் பறிமுதல் செய்யப்பட்டன. இடைப்பாடி சாலை, ஜி.ஹெச் அருகே புகையிலை பொருட்கள் விற்ற மாதேஸ்வரன்( 42, )கைது செய்யப்பட்டு, அவரிடமிருந்து 4 புகையிலை பொருட்கள் பாக்கெட் பறிமுதல் செய்யப்பட்டன. இது குறித்து குமாரபாளையம் போலீசார் வழக்குப்பதிவு செய்து விசாரணை செய்து வருகிறார்கள்.

பெற்றோர் வீட்டிலிருந்த மனைவியை தாக்கிய கணவன் தலைமறைவு

குமாரபாளையம் சிவசக்தி நகர் பெற்றோர் வீட்டில் வசித்து வருபவர் மோகனாம்பாள்( 38.). சிங்கப்பூரில் இரண்டு ஆண்டுகளுக்கு முன்பு தன் கணவர் வேலுமணி( 44,) என்பவருடன் வசித்து வந்தார். அப்போது வீட்டின் படுக்கை அறை, குளியல் அறை ஆகிய இடங்களில் கேமரா வைத்த வழக்கில், நீதிமன்றத்தால் தண்டனை விதிக்கப்பட்டு சிறையில் இருந்ததாக கூறப்படுகிறது. சிறையில் இருந்து வெளியில் வந்த பின், இவர் மீது விவாகரத்து வழக்கு தொடர்ந்த மோகனாம்பாள், தன் பெற்றோர் வீட்டில் வசித்து வந்தார். இந்நிலையில் வேலுமணி மற்றும் சிலர் நேற்றுமுன்தினம் காலை 10:30 மணியளவில் சிவசத்தி நகரில் உள்ள தன் மனைவியை சந்தித்து தகாத வார்த்தை பேசியதுடன், தாக்கியுள்ளார். மேலும் கொலை மிரட்டல் விடுத்து அங்கிருத்து தப்பி சென்று விட்டார். இது குறித்து மோகனாம்பாள் குமாரபாளையம் போலீசில் தன் கணவன் மீது நடவடிக்கை எடுக்க வேண்டி, புகார் கொடுத்துள்ளார். தலைமறைவான வேலுமணியை போலீசார் தேடி வருகின்றனர்.

மின் மோட்டார் திருடியவர் கைது

குமாரபாளையம், காவேரி நகர், காந்தியடிகள் தெருவை சேர்ந்த ஓட்டுனர் திருமூர்த்தி( 50.). இவரும், இவரது குடும்பத்தாரும் நேற்றுமுன்தினம் இரவு 11:00 மணியளவில் தூங்கிவிட்டு, நேற்று காலை 06:00 மணியளவில் தனது மொட்டை மாடியில் சென்று பார்த்த போது, அங்கு வைத்திருந்த பழுதான மின்மோட்டார் காணவில்லை. இவர்கள் வீட்டின் பின்புறம் படுத்திருந்த டிரைவர் சீனிவாசன்( 41,) என்பவர் மீது சந்தேகப்பட்டு கேட்ட போது, தான் எடுத்ததை ஒப்புக்கொண்டார். இது குறித்த புகாரின்பேரில் குமாரபாளையம் போலீஸார் டிரைவர் சீனிவாசனை போலீசார் கைது செய்ததுடன், அவரிடமிருந்த 10 ஆயிரம் மதிப்பிலான மோட்டோர் பறிமுதல் செய்து விசாரிக்கின்றனர்.

வேலை கேட்டவரை தாக்கியவர் கைது

குமாரபாளையம் சுந்தரம் நகர் பகுதியில் வசிக்கும் சமையல் மாஸ்டர் சக்திவேல்ராஜா( 54.). இவர் நேற்றுமுன்தினம் இரவு 11:00 மணியளவில் தன் வீட்டு திண்ணையில் உட்கார்ந்து இருந்தார். அதே பகுதியை சேர்ந்த கட்டிட கூலித்தொழிலாளி குழந்தைசாமி( 48.). சக்திவேல்ராஜா, குழந்தைசாமியிடம், தனக்கு வேலை எதாவது கிடைக்குமா? என்று கேட்டுள்ளார். மது போதையில் இருந்ததாக கூறப்படும் குழந்தைசாமி, விறகை எடுத்து சக்திவேல்ராஜாவை தாக்கினார். இதனால் சக்திவேல்ராஜா பலத்த காயமடைந்த நிலையில் குமாரபாளையம் அரசு மருத்துவமனையில் சேர்க்கப்பட்டார். இது குறித்து சக்திவேல்ராஜா அளித்த புகாரின் பேரில் குமாரபாளையம் போலீஸார் குழந்தைசாமியை கைது செய்தனர்