வீணாக வெளியே சுத்தாதிங்க: குமாரபாளையம் போலீசார் அட்வைஸ்
நாமக்கல் மாவட்டம் குமாரபாளையத்தில் கொரோனா தொற்று அதிகரித்து வருகிறது. இதை கட்டுப்படுத்த, தமிழ்க அரசு சார்பில் ஊரடங்கு உத்தரவு பிறப்பிக்கப்பட்டுள்ளது.
இந்த நிலையில் குமராபாளையம் காவல்துறை மற்றும் நகராட்சி நிர்வாகத்தினர் பல்வேறு விழிப்புணர்வு பிரசாரப் பணிகளை செய்து வருகின்றனர். குமாரபாளையம் காவல் நிலையத்தின் சார்பில் இன்று காலையில், நான்கு டாட்டா ஏசி வாகனங்களில் விழிப்புணர்வு பிரசாரம் செய்யப்பட்டது.
ஊரடங்கு காலத்தில் அத்தியாவசிய தேவைகளை தவிர வீணாக ஊர் சுற்றக் கூடாது; முகக்கவசம் இல்லாமல் வெளியே வரக்கூடாது என்பது உள்ளிட்ட அறிவுரைகளை, ஒலிபெருக்கி மூலம் வழங்கி, நகரின் முக்கிய பகுதிகளில் விழிப்புணர்வு பிரச்சாரத்தை செய்யப்பட்டது.
முன்னதாகக் காவல் நிலைய வளாகத்தில் இருந்த இந்த விழிப்புணர்வு பிரச்சார பயணமானது தொடங்கப்பட்டு அனைத்து பகுதிகளுக்கும் சென்று, ஒலிபெருக்கி மூலமாக பொதுமக்களுக்கு விழிப்புணர்வு அளிக்கப்பட்டது.
