குமாரபாளையம் அருகே மின்கம்பி அறுந்து விழுந்ததில் மூதாட்டி படுகாயம்

குமாரபாளையம் அருகே கல்லங்காட்டுவலசு, உப்புக்குளம் பகுதியைச் சேர்ந்தவர் கருப்பாயி, வயது 80. இவர் பிப். 4ல் மாலை 05:00 மணியளவில் ஆடு மேய்த்துக்கொண்டிருந்தார். அதே பகுதியில் இருந்த மின் கம்பத்தில் மின் ஊழியர்கள் சிலர் பணியாற்றிக்கொண்டு இருந்ததாக கூறப்படுகிறது. மாலை 05:00 மணியளவில் மின்கம்பி அறுந்து, கருப்பாயி தலை மேல் விழுந்ததில் ரத்தகாயம் ஏற்பட்டது. மயக்க நிலையில் இருந்த அவர், தொடர் சிகிச்சைக்காக ஈரோடு தனியார் மருத்துவமனையில் சேர்க்கப்பட்டுள்ளார். இது குறித்து குமாரபாளையம் போலீசார் வழக்குப்பதிவு செய்து விசாரணை நடத்தி வருகிறார்கள்.