குமராபாளையம் அருகே உரிய இழப்பீடு கோரி விவசாயிகளின் ஆர்ப்பாட்டம்

நாமக்கல் மாவட்டம், குமராபாளையம் வட்டம், காடச்சநல்லூரில் உயர் மின் கோபுரங்களால் பாதிக்கப்பட்ட விவசாயிகளுக்கு உரிய இழப்பீடு தொகை 2013 ம் ஆண்டு சட்டப்படி நிர்ணயம் செய்து வழங்க வேண்டும். மரம் பயிர்களுக்கான இழப்பீடு வழங்க வேண்டியும் போர்வெல், கிணறு, மற்றும் கட்டுமானங்களுக்கு உரிய இழப்பீடு வழங்க வேண்டியும் விவசாயி செல்லமுத்து தலைமையில் ஆர்ப்பாட்டம் நடைபெற்றது.

சிறப்பு விருந்தினராக மாவட்ட ஒருங்கிணைப்பாளர் பெருமாள் கலந்து கொண்டார். இதில் கிருஷ்ணகுமார், அருணாசலம், பழனிசாமி, சுப்ரமணியம், குலசேகரன் மற்றும் பெண்கள் உட்பட முப்பதுக்கும் மேற்பட்ட விவசாயிகள் கலந்து கொண்டனர்.