பள்ளிபாளையத்தில் கார் மோதி விவசாயி பலி: போலீசார் விசாரணை
பள்ளிபாளையத்தில் விபத்துக்குள்ளாகி சேதமான கார்.
பள்ளிபாளையத்தில் டிவைடர் மீது கார் மோதியதில் விவசாயி ஒருவர் பரிதாபமாக உயிரிழந்தார்.
சங்ககிரி ஆர்.எஸ். பகுதியை சேர்ந்தவர் அர்த்தனாரீஸ்வரன், 55. விவசாயி. இவர் ஈரோடு தனியார் மருத்துவமனையில் சிகிச்சை பெற்று வரும் உறவினரை காண தனது டாடா இண்டிகா காரில் பள்ளிபாளையம் வழியாக ஈரோடு சென்றார்.
பள்ளிபாளையம் ஓட்டமெத்தை அருகே தனியார் மருத்துவமனை முன்பு உள்ள டிவைடர் மீது கார் பலமாக மோதியதில் பலத்த காயமடைந்தார். இவரை ஆம்புலன்ஸ் மூலம் பள்ளிபாளையம் அரசு மருத்துவமனைக்கு அழைத்து சென்றபோது, இவரை பரிசோதித்த டாக்டர் இவர் ஏற்கனவே இறந்து விட்டதாக கூறினார்.
இது குறித்து பள்ளிபாளையம் போலீசார் வழக்குப்பதிவு செய்து விசாரணை செய்து வருகின்றனர்.
Next Story
