ஜூன் 12ல் மின் நுகர்வோர் குறை தீர்க்கும் முகாம்..!

ஜூன் 12ல் மின் நுகர்வோர் குறை தீர்க்கும் முகாம் சங்ககிரியில் நடைபெறவுள்ளது.

இது குறித்து சங்ககிரி, மின்வாரிய செயற்பொறியாளர் உமாராணி தமது அறிக்கையில் தெரிவித்திருப்பதாவது:

தமிழ்நாடு மின் உற்பத்தி மற்றும் பகிர்மான கழகம், மேட்டூர் மின் பகிர்மான வட்டம், சங்ககிரி கோட்டத்தில் மாதாந்திர மின் நுகர்வோர் குறைதீர் கூட்டம் ஜூன் 12ல், முற்பகல் 11:00 மணி முதல் 01:00 மணி வரை, செயற்பொறியாளர், இயக்கமும் பராமரிப்பும், தமிழ்நாடு மின் உற்பத்தி மற்றும் பகிர்மான கழகம், சங்ககிரி, அலுவலகத்தில் மேற்பார்வை பொறியாளரால் நடத்தப்படவுள்ளது. சங்ககிரி கோட்டத்திற்குட்பட்ட மின் நுகர்வோர்கள் மின்சாரம் சம்பந்தமான குறைகளை தெரிவித்து பயன்பெறுமாறு கேட்டுக்கொள்ளப்படுகிறது. இவ்வாறு அதில் குறிப்பிடப்பட்டுள்ளது.

தமிழக அரசின் மின்பகிர்மான கழகத்தின் சார்பாக மின்சாரம் பயன்படுத்தும் நுகர்வோரின் குறைகளை களைவதற்காக மாதம்தோறும் இந்த கூட்டம் நடந்து வருகிறது. மின்சார பயன்பாடு சார்ந்த குறைபாடுகளை மின் நுகர்வோர் தெரிவித்து குறைகளை தீர்த்துக்கொள்ளலாம்.