குமாரபாளையத்தில் நடைமேடை பணிகளால் குளம் போல் காட்சியளிக்கும் சாலைகள்
குமாரபாளையத்தில் நடைமேடை பணிகளால் சாலைகளில் மழை நீர் குளம் போல் தேங்கி சுகாதார சீர்கேடு ஏற்பட்டுள்ளது.
HIGHLIGHTS
குமாரபாளையத்தில் நேற்று மாலை மழை பெய்தது. (இடம்: பஸ் ஸ்டாண்ட் )
குமாரபாளையத்தில் சேலம் சாலை கத்தேரி பிரிவு முதல் காவல் நிலையம் வரை வடிகால் அமைக்கப்பட்டு, நடைமேடை அமைக்கும் பணி பல மாதங்களாக நடைபெற்று வருகிறது. நேற்று மாலை 2 மணியளவில் கன மழை பெய்தது. இதனால் சேலம் சாலை உள்ளிட்ட பல சாலைகளில் மழைநீர் வெள்ளமாக பெருக்கெடுத்து ஓடியது.
சேலம் சாலையில் ஒ.வி.கே. பெட்ரோல் பங்க், பஸ்கள் வெளியில் வரும் பகுதி, ஜே.கே.கே. பங்களா எதிரில், ஆனங்கூர் பிரிவு சாலை, சரவணா தியேட்டர் அருகில் உள்ளிட்ட நடைமேடை அமைத்த பகுதிகளில் மழைநீர் வடிகாலில் சேர வழியின்றி குளம் போல் தேங்கி நின்றது.
இதனால் சாலையில் சென்ற வாகனங்களால் தண்ணீர் தெறிக்க, அருகில் உள்ள வியாபார நிறுவனத்தார்கள், டூவீலர் மற்றும் நடந்து செல்வோர் மிகவும் பாதிக்கப்பட்டனர். மழை நின்ற பின் தேங்கிய மழைநீர் சேரும் சகதியுமாக மாறி, பெறும் சுகாதார சீர்கேடு ஏற்பட்டது.
நெடுஞ்சாலைத்துறையினர் இது குறித்து கவனம் செலுத்தி, மழை நீர் சாலையில் தேங்காமல் அனைத்தும் வடிகாலில் சேரும் வகையில் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
