பள்ளிபாளையத்தில் மின் சேமிப்பு, பாதுகாப்பு வார விழா விழிப்புணர்வு பேரணி

தமிழ்நாடு மின் உற்பத்தி மற்றும் மின் பகிர்மான கழகம் மின் சேமிப்பு மற்றும் மின் பாதுகாப்பு வார விழாவையொட்டி பள்ளிபாளையம் நகரில் விழிப்புணர்வு பேரணி நடைபெற்றது.

தமிழ்நாடு மின் உற்பத்தி மற்றும் மின் பகிர்மான கழகம் மின் சேமிப்பு மற்றும் மின் பாதுகாப்பு வார விழா 14 முதல் ௨௦ம் தேதி வரை நடைபெறுகிறது. இதில் ஒரு கட்டமாக நேற்று பள்ளிபாளையம் ஓட்ட மெத்தை பகுதியில் இருந்து பேரணி நடைபெற்றது.

கோட்ட பொறியாளர் வாசுதேவன் தலைமை வகித்தார். குமாரபாளையம் மின்வாரிய உதவி இயக்குனர் சீனிவாசன், செல்வகுமார், சீனிவாசன், ராஜவேல், பழனிசாமி, கனகராஜ், உள்பட மின்வாரிய அலுவலர்கள், ஊழியர்கள் பெருமளவில் பங்கேற்றனர்.

இந்த பேரணியில் பங்கேற்றவர்கள் மின் சிக்கனம், மின் பாதுகாப்பு குறித்த விழிப்புணர்வு பதாதைகள் ஏந்தியவாறும், விழிப்புணர்வு துண்டு பிரசுரங்கள் பொதுமக்களுக்கு வினியோகம் செய்தவாறும் சென்றனர். இந்த பேரணி பள்ளிபாளையம் பஸ் ஸ்டாண்ட் பகுதியில் நிறைவுபெற்றது.