குமாரபாளையத்தில் நடைபெற்ற நீட் தேர்வில் 840 மாணவ, மாணவியர் பங்கேற்பு

தமிழகம் முழுவதும் நீட் தேர்வுகள் இன்று நடைபெற்றன. குமாரபாளையம் ராயல் இன்டர்நேஷனல் பள்ளியில் நடைபெற்ற நீட் தேர்வில், காலை 11:30 மணி முதல் மாணவ, மாணவியர் வரத் தொடங்கினர். ஒவ்வொருவர் ஆவணங்கள் சரிபார்க்கப்பட்ட பின் தேர்வு மையத்தின் உள்ளே அனுமதிக்கப்பட்டனர்.

மதியம் 1:30 மணி வரை மாணவர்கள் அனுமதிக்கப்பட்டனர். பேனா, கர்சீப், கால்குலேட்டர் கொண்டு செல்ல அனுமதி மறுக்கப்பட்டது. பல மாவட்டங்களை சேர்ந்த 840 மாணாக்கர்கள் தேர்வெழுதினர். மாலை 2 மணி முதல் 5 மணி வரை நடைபெற்றது.

குமாரபாளையம் இன்ஸ்பெக்டர் ரவி தலைமையிலான போலீசார் பாதுகாப்பு பணியில் ஈடுபட்டனர். மாணவர்கள் அனைவரும் பள்ளியின் நுழைவுப்பகுதியில் தேர்வு நிர்வாகிகளால் செயல்படுத்தப்படும் சோதனைகளுக்கு பின்னரே அனுமதிக்கப்பட்டனர். டூவீலர்கள், கார்களுக்கு தனித்தனி பார்க்கிங் வசதி ஏற்பாடு செய்யப்பட்டிருந்தன.