பள்ளிபாளையத்தில் பெண்ணை காட்டி நூதன வழிப்பறி: 5 பேர் கைது

ஈரோடு பெரிய சேமூர் பகுதியில் வசிப்பவர் மகேந்திரன், 30. ஆட்டோ ஓட்டுனர். இவர் தனது டி.வி.எஸ். எக்ஸல் வாகனத்தில் பள்ளிபாளையத்திலிருந்து வெப்படை நோக்கி இரவில் சென்று கொண்டிருந்தார்.

அப்போது வழியில் பெண் ஒருவர் கை காட்ட, வண்டியை நிறுத்தியுள்ளார். அப்போது புதர் மறைவில் இருந்து ஓட்டமெத்தை கணேசன்,21, அக்ரஹாரம் ஆனந்த், 25, அன்னை சத்யா நகரை சேர்ந்த பிரகாஷ், 24, கவுதம், 25, ஆகிய 4 பேரும் மகேந்திரன் ஓட்டி வந்த டூவீலர், செல்போன், பணம் 500 ரூபாய் ஆகியவற்றை பறித்து சென்றனர்.

இது குறித்து மகேந்திரன் பள்ளிபாளையம் போலீசில் புகார் செய்ய பெண் மீனா, 24, உள்பட ஐந்து பேரையும் கைது செய்து டூவீலர், போன், பணம் 500 ரூபாய் ஆகியவற்றை பறிமுதல் செய்தனர்.

இது போல் எத்தனை பேரிடம் பணம் பரித்துள்ளார்கள் என்பது குறித்து பள்ளிபாளையம் போலீசார் விசாரணை செய்து வருகின்றனர்.