35 மது பாட்டில்கள் பறிமுதல் மூதாட்டி கைது

குமாரபாளையத்தில் அதிக விலைக்கு விற்க கொண்டு வந்த 35 மது பாட்டில்கள் பறிமுதல் செய்யப்பட்டதுடன் மூதாட்டி கைது செய்யப்பட்டார்.

குமாரபாளையம் போலீசார் இன்ஸ்பெக்டர் ரவி, எஸ்.ஐ. மலர்விழி உள்ளிட்ட போலீசார் தீவிர ரோந்து பணி மேற்கொண்டனர்.

எம்.ஜி.ஆர். நகர் பகுதியில் அதிக விலைக்கு மது பாட்டில்கள் விற்பது தெரியவந்தது. அங்குள்ள பெட்டிக்கடை அருகே சென்று பார்த்த போது அங்கு மூதாட்டி ஒருவர் மது பாட்டில்களை விற்று வந்தார். கையும் களவுமாக சிக்கிய அவரிடமிருந்து 35 மதுபான பாட்டில்கள் பறிமுதல் செய்யப்பட்டது.

போலீசார் விசாரணை செய்ததில் அதே பகுதியை சேர்ந்த ஈஸ்வரி, 60, என்பது தெரியவந்தது. போலீசார் அவரை கைது செய்தனர்.