திருப்பரங்குன்றம் அருகே இளைஞரிடம் வழிப்பறி: 4 பேர் கைது

திருப்பரங்குன்றம் அருகே வாலிபரிடம் வழிப்பறி: நான்கு பேர் கைது

மதுரை ஜெய்ஹிந்த்புரம் நேதாஜி ரோடு வாணியர் முதல் தெருவை சேர்ந்தவர் வீரமணி மகன் விக்னேஷ்(29.) இவர் திருப்பரங்குன்றம் ரோட்டில் தமிழ்நாடு பெண்கள் பாலிடெக்னிக் பஸ் ஸ்டாப்பில் காத்திருந்தார். அப்போது அங்கு வந்த நான்கு வாலிபர்கள் அவரை அறிவாளை காட்டி மிரட்டி அவரிடம் இருந்து ரூபாய் 865 ஐ பறித்துச் சென்றனர். இந்த சம்பவம் குறித்து விக்னேஷ் ஜெய்ஹிந்த்புரம் போலீசில் புகார் செய்தார். போலீசார் வழக்கு பதிவு செய்து சோலை அழகுபுரம் நான்காவது தெரு காஜா மைதீன் மகன் பரக்கத் பாஷா( 22,) சோலை அழகுபுரம் மூன்றாவது தெரு ரவி மகன் திவாகர் என்ற டிங்கு திவாகர்(24,) திடீர் நகர் ஹீரா நகர் அன்வர் பாஷா மகன் சையத் அபுதாஹிர்( 24,) சோலையழகுபுரம் மூன்றாவது தெரு கணேசன் மகன் ஐயப்பன்(22 )ஆகிய நான்கு பேரையும் போலீசார் கைது செய்தனர்.

ஆரப்பாளையத்தில் மூன்றரை வயது பெண் குழந்தை வலிப்பு நோய்க்கு பலி

மதுரை,வாடிப்பட்டி சோழவந்தான் பிரலயநாதர் சந்நிதி தெருவை சேர்ந்தவர் பிரிவிராஜ் மகள் தியா ஸ்ரீ. மூன்றரை வயதான இந்த குழந்தை பிறந்தநாள் முதல் வலிப்பு நோயால் பாதிக்கப்பட்டிருந்தது. அதற்கான சிகிச்சையும் கொடுத்து வந்தனர். இந்த நிலையில் ஆரப்பாளையம் கிராஸ் ரோட்டில் குழந்தையுடன் பெற்றோர் சென்றபோது மீண்டும் வலிப்பு நோய் வந்தது.உடனடி சிகிச்சைக்காக குழந்தையை மதுரை அரசு மருத்துவமனைக்கு கொண்டு சென்றனர் .ஆனால் செல்லும் வழியிலேயே குழந்தை தியா ஸ்ரீ பரிதாபமாக உயிரிழந்தார். இது குறித்து தந்தை பிரிதிவிராஜ் கரிமேடு போலீசில் புகார் செய்தார். போலீசார் வழக்கு பதிவு செய்து குழந்தை தியாஸ்ரீயின் சாவுக்கான காரணம் குறித்து விசாரணை நடத்தி வருகின்றனர்.

கணவர் வாழ மறுப்பு: மனைவி தூக்கு போட்டு தற்கொலை

மதுரை, திருப்பாலை பசும்பொன் நகர் இரண்டாவது குறுக்கு தெருவை சேர்ந்தவர் அருணா தேவி 23.ஹ இவருக்கு கடந்த மாதம் அருண்குமார் என்பவருடன் திருமணம் நடந்தது. திருமண மான ஒரு மாதத்தில் அவருக்கு திடீரென்று வலிப்பு நோய் வந்தது. இதனால் கணவர் மனைவி அருணாதேவியுடன் வாழ மறுத்துவிட்டார். அவரை அவரது பெற்றோர் வீட்டுக்கு அனுப்பி விட்டார். இதனால் மணமடைந்த அருணா தேவி வீட்டில் தூக்கு போட்டு தற்கொலை செய்து கொண்டார். இந்த சம்பவம் குறித்து தந்தை பெருமாள் திருப்பாலை போலீசில் புகார் செய்தார். போலீசார் வழக்கு பதிவு செய்து அருணா தேவியின் தற்கொலைக்கான காரணம் குறித்து விசாரணை நடத்தி வருகின்றனர்.

காமராஜர்புரம் ரயில்வே தண்டவாளம் அருகே அரிவாளுடன் வாலிபர் கைது

மதுரை கீரைத்துரை உதவி ஆய்வாளர் சந்தானபோஸ். இவர் ரோந்துப் பணியில் ஈடுபட்டிருந்தார். அவர் காமராஜர்புரம் வாழைத்தோப்பு ரயில்வே தண்டவாளப்பகுதி அருகே சென்றார். அப்போது போலீசை கண்டதும் வாலிபர் ஒருவர் பதுங்கினார். அவரை உதவி ஆய்வாளர் விரட்டிப் பிடித்தார். பிடிபட்டவரிடம் சோதனை செய்தபோது அவர் அரிவாள் ஒன்றை மறைத்து வைத்திருந்தார். அவற்றை பறிமுதல் செய்து விசாரணை தடத்தினார்.அவர் காமராஜர்புரம் இந்திரா நகர் கந்தசாமி மகன் கண்ணாயிர மூர்த்தி என்ற கண்ணன்(36 )என்று தெரியவந்தது. அவர் கொலை செய்யும் திட்டத்தில் அங்கு இருந்ததாக கூறினார் .இதைத் தொடர்ந்து அவரை கைது செய்த போலீசார் யாரை எதற்காக கொலை செய்ய பதுங்கி இருந்தார் என்பது குறித்து தொடர்ந்து விசாரணை நடத்தி வருகின்றனர்.

காய்ச்சலுக்கு இரண்டு மாத ஆண் குழந்தை திடீர் பலி.

மதுரை சோலை அழகுபுரம் முதல் தெரு திருப்பதி நகரை சேர்ந்தவர் வினோத்குமார். இவருக்கு அஜய் என்ற இரண்டு மாத ஆண் குழந்தை பிறந்தது.பிறந்தது முதல் குழந்தை மலச்சிக்கல் நோயால் பாதிப்பட்டு வந்தது. இந்த நிலையில் திடீரென்று காய்ச்சல் ஏற்பட்டு குழந்தை அஜய் மயக்கம் அடைந்ததான். இதை தொடர்ந்து குழந்தை அஜயை சிகிச்சைக்காக மதுரை அரசு மருத்துவமனைக்கு கொண்டு சென்றனர். ஆனால் செல்ல வழி இல்லையே குழந்தை பரிதாபமாக உயிரிழந்தது. இது குறித்து தந்தை வினோத் குமார் ஜெய்ஹிந்துபுரம் போலீசில் புகார் செய்தார். போலீசார் வழக்கு பதிவு செய்து குழந்தை அஜய்யின் சாவுக்கான காரணம் குறித்து விசாரணை நடத்தி வருகின்றனர்.

பசுமலையில் போஸ்ட் ஆபீசில் திருட்டு: ஒருவர் கைது

மதுரை பசுமலை போஸ்ட் ஆபீசில் பட்டப்பகலில் புகுந்த ஆசாமி அங்கிருந்த சில பொருட்களை சைக்கிளுடன் திருடிங்சென்று விட்டார். இந்த திருட்டு குறித்து பெண் போஸ்ட் உமன் ரவிச்சந்திரன் மகள் திவ்யா( 27 ) சுப்பிரமணியபுரம் காவல் நிலையத்தில் புகார் ஒன்றை கொடுத்தார் . அந்த புகாரில் பசுமலை போஸ்ட் ஆபீஸில் சைக்கிளுடன் ஆர்டினரி, ஸ்பீட்போஸ்ட் தபால் பையுடன் சேமிப்பு கணக்கு விண்ணப்பங்கள், பேங்க் பாஸ்புக் , மணிஆர்டர் ரசீதுகள் முதலியவை கள் திருடு போய் விட்டதாக தெரிவித்திருந்தார். போலீசார் வழக்கு பதிவு செய்து சிசிடிவி கேமரா பதிவுகளை தொடர்ந்து விசாரணை நடத்தி வந்தனர்.பின்னர் இந்த திருட்டில் ஈடுபட்ட பைக்காரா முத்துராமலிங்கபுரம் இரண்டாவது தெருவை சேர்ந்த பொன்னையா மகன் பாண்டி(46 )என்பவரை கைது செய்தனர்.திருடு போன பொருட்களை மீட்டனர்..