மதுரை விமான நிலைய குப்பை தொட்டியில் வீசப்பட்ட பேஸ்ட் வடிவ தங்க கட்டிகள்

துபாயில் இருந்து மதுரைக்கு தினமும் ஸ்பைஸ் ஜெட் விமான சேவை நடைபெற்று வருகிறது. இந்நிலையில், இன்று காலை 8:20 மணி அளவில் துபாயில் இருந்து மதுரை வந்த ஸ்பைஸ் ஜெட் விமானத்தில் 170 பயணிகள் இறங்கினர்.

இதில் பயணம் செய்த பயணி ஒருவர் தன்னிடமிருந்த பேஸ்ட் போன்ற பொருளை குப்பைத் தொட்டியில் வீசி சென்றுள்ளார். பாதுகாப்பு பணியில் இருந்த மத்திய தொழில் பாதுகாப்பு படைவீரர் கண்டுபிடித்து , இதுகுறித்து சுங்கத்துறையினருக்கு தகவல் தெரிவித்தார்.

சுங்கத்துறை அதிகாரிகள் பேஸ்ட் போன்ற பொருளை கைப்பற்றி சோதனை செய்தனர். அதில் 14 லட்சத்து 36 ஆயிரத்து 472 ரூபாய் மதிப்புள்ள 287 கிராம் தங்கம் கைப்பற்றப்பட்டது. இதனைத் தொடர்ந்து, விமானத்தில் வந்த பயணியை அடையாளம் காணும் வகையில் சிசிடிவி கேமராவில் பதிவாகி இருந்த காட்சிகளை பார்வையிட்டு வருகின்றனர்.