சிங்கப்பூருக்கு மீண்டும் மதுரையிலிருந்து விமான சேவைத் தொடக்கம்

கொரோனா பெருந்தொற்றின் காரணமாக,சர்வதேச விமான சேவை தடை செய்யப்பட்டு இருந்தது. தற்போது, தொற்று பரவல் வேகம் கணிசமாக குறைந் துள்ளதால், இரண்டு ஆண்டுகளுக்கு பிறகு மார்ச் 27-ஆம் தேதி அனைத்து நாடுகளுக்கும் விமான சேவை தொடங்க அறிவிப்பு வெளியிடப்பட்டது.

இந்நிலையில், மதுரையில் இருந்து சிங்கப்பூருக்கு தடை செய்யப்பட்டிருந்த நேரடி விமான சேவை இன்று முதல் வாரம் இரு நாட்கள், செவ்வாய் மற்றும் சனிகிழமைகளில் இயக்க ஏர் இந்தியா விமானம் முடிவு செய்துள்ளது.

இதனையடுத்து, இன்று சிங்கப்பூரில் இருந்து மாலை 5 மணிக்கு புறப்படும் விமானம் இந்திய நேரப்படி மாலை 6.40 மணிக்கு மதுரை வந்தடையும். மறுமார்க்கமாக மதுரையிலிருந்து இரவு 9.35 மணிக்கு புறப்படும் விமானம், சிங்கப்பூர் நேரப்படி அதிகாலை 4.30 மணிக்கு சிங்கப்பூர் சென்றடையும். இத்தகவலை, விமான நிலைய வட்டாரங்கள் தெரிவித்துள்ளன.