மதுரை ஹெரிடேஜ் நல அறக்கட்டளை ஆண்டு விழாவில் ஐகோர்ட் நீதிபதி சிவஞானம்

மதுரை ஹெரிடேஜ் வெல்ஃபேர் அறக்கட்டளையின் ஆண்டு விழாவில் சென்னை உயர்நீதிமன்ற நீதிபதி வி.சிவஞானம் பங்கேற்றார்.

மதுரை ஹெரிடேஜ் வெல்ஃபேர் அறக்கட்டளையின் 7 வருட அர்ப்பணிப்பு மற்றும் சேவைக்கான ஆண்டு விழா ஹெரிடேஜ் மதுரை ஹோட்டலில் இன்று கொண்டாடப்பட்டது. இந்நிகழ்ச்சியில், 7 கிராமங்களை சேர்ந்த மாணவர்கள், பெற்றோர்கள், ஆசிரியர்கள், ஊர் தலைவர்கள் மற்றும் மதுரையின் முக்கிய பிரமுகர்கள் என, 250 பேர் கலந்து கொண்டனர். ஹெரிடேஜ் வெல்ஃபேர் அறக்கட்டளை மூலம் பயிற்சி பெற்ற மாணவர்கள் சிலம்பம் மற்றும் பிற தற்காப்பு கலைகளை நிகழ்த்தி தங்கள் திறமைகளை வெளிப்படுத்தினர்.

சென்னை உயர்நீதிமன்ற நீதிபதி சிவஞானம், மற்றும் தமிழக அரசின் தொழிலாளர் நலன் மற்றும் திறன் மேம்பாட்டுத் துறை கூடுதல் தலைமை செயலாளர் குமார் ஜெயந்த் ஆகியோர் இந்நிகழ்ச்சியின் முதன்மை விருந்தினராகவும், ஊடகவியலாளர் கோபிநாத் சிறப்பு விருந்தினராகவும் கலந்து கொண்டனர். விழாவில், மாணவர்கள் பாரம்பரிய கலையான சிலம்பம் செய்து காட்டினர். மாணவர்களின் நலனை மேம்படுத்துவதற்கு பங்களித்த கிராம தலைவர்கள் மற்றும் ஆசிரியர்களை முதன்மை விருந்தினர்களை கௌரவித்தனர்.

இந்நிகழ்ச்சியில், சென்னை உயர்நீதிமன்ற நீதிபதி வி.சிவஞானம் பேசுகையில், “ஒழுக்கம் மக்கள் வாழ்க்கையில் வெற்றிபெற உதவுகிறது என, கூறினார். படித்தவர் மற்றும் மரியாதை மிகுந்தவராக இருப்பதை விட ஒழுக்கமான மனிதனாக இருப்பது முக்கியம். அதுமட்டுமின்றி, கண்ணியமாக இருப்பதும், அன்பான வார்த்தைகளை பேசுவதும், தமிழ்க் கவிஞர் திருவள்ளுவரின் கூற்றுப்படி, மக்கள் வெற்றிபெறத் தேவையான மற்ற சில முக்கிய குணங்கள் ஆகும். சிலம்பம் தமிழ் மக்களின் கலாசாரத்துடன் உள்ளார்ந்த தொடர்பு கொண்டது. தற்காப்புக் கலை என்று அழைக்கப்படுவதற்கு பதிலாக, சிலம்பம் ஒரு கலாசார கலை என்பது மிகவும் பொருத்தமானது,” என்று கூறினார்.

தொழிலாளர் நலன் மற்றும் திறன் மேம்பாட்டுத் துறை கூடுதல் தலைமை செயலாளர் குமார் ஜெயந்த் தனது உரையில் ,

1992 இல் ஐஏஎஸ் தேர்ச்சி பெற்ற பிறகு, கடினமான சூழ்நிலைகளில் பணிபுரிவது தனது வாழ்க்கையில் ஏற்படுத்திய மாற்றத்தை நினைவு கூர்ந்தார். மாணவர்கள் தங்கள் ஆற்றலை பயன்படுத்தவும், தொடர்ந்து யோகா மற்றும் உடற்பயிற்சிகளை மேற்கொள்ள வேண்டும். நேரம் ஒரு விலைமதிப்பற்றது என்றும், அது போய்விட்டால் அதை திரும்பப் பெற முடியாது. எனவே, வாய்ப்பையும் நேரத்தையும் பயன்படுத்திக் கொள்ளுங்கள், நீங்கள் வளர்ச்சியடைவீர்கள். பெற்றோர்கள் தங்கள் குழந்தைகளுக்கு அவர்களின் எதிர்காலத்தை தேர்வு செய்ய சுதந்திரம் அளிக்க வேண்டும். ஹெரிடேஜ் வெல்ஃபேர் அறக்கட்டளையின் எதிர்காலம் மிகவும் சிறப்பாக அமைய வாழ்த்துகிறேன்” என்று கூறினார்.

ஹெரிடேஜ் வெல்ஃபேர் அறக்கட்டளையின் நிறுவனர் ருக்மணி, தனது வரவேற்புரையில், “இந்த அறக்கட்டளை கிராமப்புற குழந்தைகளுக்கு உதவவும், அவர்களின் வாழ்க்கையில் மாற்றத்தை ஏற்படுத்தவும் தொடங்கப்பட்டது. தமிழகத்தின் தொன்மையான விளையாட்டான சிலம்பம் தேர்வு செய்யப்பட்டது, சிலம்பம் வகுப்புகள் தொடங்கப்பட்டது. சிலம்பம் பயிற்சி செய்வது இளைஞர்கள் கவனம் செலுத்துவதற்கு மட்டுமல்லாமல், பள்ளியில் சில ஒழுக்கங்களைக் கடைப்பிடிக்கவும் உதவுகிறது என்பதற்கு அறிவியலில் சான்றுகள் உள்ளன. இதுவரை 300 மாணவர்களுக்கு சிலம்பம் கற்பித்துள்ளோம். அடுத்த சில ஆண்டுகளில் 1000 மாணவர்களுக்கு கற்பிப்பது தான் எங்கள் நோக்கம்.” என்று கூறினார். கிராமத்து இளைஞர்களின் கற்றல் மற்றும் மறுமலர்ச்சி பயணத்திற்கு உதவிய அனைவருக்கும் ருக்மணி நன்றி தெரிவித்தார்.

ஹெரிடேஜ் வெல்ஃபேர் அறக்கட்டளை மதுரை (எச்டபிள்யூஎஃப் மதுரை) அதன் சமூக சேவை நடவடிக்கைகளை 2017 இல் தொடங்கியது. இந்த அறக்கட்டளை பிற்படுத்தப்பட்டவர்களுக்கு வாய்ப்புகளை கொண்டு வர வேண்டும் என்பதற்காக உருவானது. கிராமங்களில் உள்ள சில இளைஞர்களின் குடிப்பழக்கத்தை திசைதிருப்ப, எச்டபிள்யூஎஃப் மதுரையில் சிலம்பம் வகுப்புகள் தொடங்கப்பட்டது. சிலம்பம் வகுப்புகளில் கலந்து கொண்ட பிறகு, பெற்றோர்கள் மற்றும் உடன் பிறந்தவர்களுடனான அவர்களின் தொடர்புகள் மேம்பட்டன. அவர்கள் தற்காப்புக் கலையின் கற்றல் நேரத்தை அனுபவித்து அதன் தாக்கத்தை பாராட்டத் தொடங்கினர்.

சிலம்பத்தில் தேவையான கை, கண் ஒருங்கிணைப்பு தவறு செய்ய இடமளிக்கவில்லை. அவர்களின் மனம் கூர்மையாக இருந்தது மற்றும் பயிற்சியின் மூலம் அவர்களின் திறன் நிலை மேம்பட்டது. எச்டபிள்யூஎஃப் மதுரை இந்தச் செயல்பாட்டை மற்ற கிராமங்களுக்கும் விரிவுபடுத்த முடிவுசெய்து, 2017 முதல் 2023 வரை 7 கிராமங்களை சுற்றி, ஒவ்வொரு சனி மற்றும் ஞாயிற்றுக்கிழமைகளில் சிலம்பம் மற்றும் யோகா கற்பித்தது. எங்களிடம் சிலம்பம் படிக்கும் 300 மாணவர்களும், 5 ஆசிரியர்களும் உள்ளனர். எச்டபிள்யூஎஃப் மதுரை பரவையில் ஒரு டியூஷன் சென்டரையும் தொடங்கியது, அங்கு அவர்கள் குழந்தைகளுக்கு பள்ளி வகுப்புகளுக்கு பிறகு கற்பிக்கிறார்கள்.