மதுரையில் தொடரும் நாய் கொலைகள்: போலீஸார் விசாரணை

சமீப காலமாக, மதுரையில் மாடுகள் மீது ஆசிட் ஊற்றுவதும், நாய்கள் விஷம் வைத்து கொலை செய்யப்படும் செயல் அதிகரித்து வருகிறது. நேற்றிரவு மதுரை கோமதிபுரம் பகுதி சாலைகளில் சுற்றித் திரிந்த 3 நாய்களுக்கு, உணவில் விஷம் வைத்துக் கொலை செய்யப்பட்டுள்ளன.

இது குறித்து, விலங்கு நல ஆர்வலர் அளித்த புகாரைத் தொடர்ந்து, அண்ணாநகர் காவல் துறையினர் வழக்குப்பதிவு செய்து விசாரணை செய்து வருகின்றனர்.

மதுரை மாவட்டத்தில், கடந்த ஒன்பது மாதத்தில் 30-க்கும் மேற்பட்ட நாய்கள் விஷம் வைத்து கொலை செய்யப்பட்டுள்ளது குறித்து, ஐந்திற்கும் மேற்பட்ட வழக்குகள் பதிவு செய்யப்பட்டுள்ளது குறிப்பிடத்தக்கது.