அடையாளம் தெரியாத வாகனம் மோதியதில் டூவீலரில் சென்ற விவசாயி பலி

கிருஷ்ணகிரி மாவட்டம் குருபரப்பள்ளி அடுத்த குந்தப்பள்ளி கிராமத்தை சேர்ந்தவர் ராமசாமி. விவசாயியான இவர் நேற்று மாலை 6.30 மணிக்கு குருபரப்பள்ளி - நடுசாலை சாலையில் பீமாண்டப்பள்ளி அருகே தனது டூவீலரில் சென்று கொண்டிருந்துள்ளார்.

அப்போது அவ்வழியே வந்த அடையாளம் தெரியாத வாகனம் மோதியதில் அவர் தூக்கி வீசப்பட்டார். அங்கிருந்தவர்கள் அவரை மீட்டு கிருஷ்ணகிரி அரசு மருத்துவமனையில் சிகிச்சைக்காக சேர்த்தனர். பின்னர் அங்கிருந்து சேலம் அரசு மருத்துவமனைக்கு மேல்சிகிச்சைக்காக அனுப்பி வைத்தனர். அங்கு தீவிர சிகிச்சை அளித்தும் பலனின்றி பரிதாபமாக பலியானார்.

இது குறித்து குருபரப்பள்ளி போலீசார் வழக்கு பதிவு செய்து விசாரணை நடத்தி வருகின்றனர்.